IKA-29 NA LINGGO SA KARANIWANG PANAHON, B

-



MABAGAL NA PANG-UNAWA… MAHABANG PASENSYA



Nakausap ko ang isang propesor sa kolehiyo. Nagbigay siya ng exam sa isang estudyante at nadiskubre niyang hindi nito alam ang mga aralin sa klase. Nagtanong siya ulit subalit lalong maling-mali ang sagot ng estudyante. Napasigaw sa galit ang propesor. Masakit daw sa puso kapag iisiping hindi naunawaan ng isang tao ang itinuturo sa kanya.

Ganito rin kaya ang pakiramdam ng Panginoong Hesus noong matuklasan niyang hindi nauunawaan ng mga alagad ang kanyang mga turo? Sina Santiago at Juan na magkapatid ay lumapit upang hingin na maging kanang kamay at kaliwang kamay ni Hesus kapag naghahari na siya (Mk. 10: 35ff). katatapos lang magturo ni Hesus tungkol sa kanyang paghihirap, pagpapakasakit at kamatayan para sa pagsagip sa mundo.

Ang aral niya ay tungkol sa paghihirap, at ang mga alagad ay naghahanap naman ng sarap!

Nagalit ang sampu pang alagad as magkapatid. Naunawaan kaya nila ang aral ni Hesus? Alam kaya ng sampu na sakripisyo ang hinihingi ng Panginoon para sa kanyang misyon? Naku, HINDI! Nagalit ang sampu kasi naunahan sila ng dalawa sa paghingi ng puwestong gusto rin nilang marating. Hindi rin nila naunawaan ang aral ng Panginoon.

Hindi dalawa kundi labindalawa ang mali ang pang-unawa sa mensahe ni Hesus!

Siguro, iniisip natin: “Ano ba naman iyan uy? Bakit hindi ninyo maintindihan? Ang bagal-bagal ninyo e! (Hindi ba ganito rin lagi si Lola Nidora kapag mabagal ang pang-intindi ng mga Rogelio-Rogelio-Rogelio?)” Pero teka lang. Ganito rin tayo kabagal umunawa sa Diyos e.

Alam natin ang gusto ng Diyos na mangyari, pero di ba iyong gusto natin ang ginagawa natin? Alam natin ang landas na dapat tahakin, pero di ba, sa ibang direksyon tayo pumupunta? Alam natin kung ano ang dapat ikilos, pero ang sigaw ng puso natin at hindi ng Diyos ang ating sinusunod!

Kung propesor si Hesus, siguro nasigawan na tayo at bagsak na tayo. Pero iba ang Panginoon. Buong pasensya siyang nagturo sa mga tao: kung nais ninyong maging dakila… kung nais ninyong maging una… maglingkod ka… maging tagasilbi ka ng kapwa… At inialay pa niya ang sarili niyang halimbawa: ang Anak ng Tao ay naparito hindi upag paglingkuran kundi upang maglingkod.

Panginoon, sa mga panahong hindi kita nauunawaan, buong tiyaga mo po aking turuang muli na may pasensya, kababaang-loob at kapayakan ng puso. Amen.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more