IKA-13 LINGGO NG KARANIWANG TAON K

-


HANDANG MAG-SAKRIPISYO?






Kay ganda kayang anyayahan ni Hesus mismo na sumunod sa kanya!

Isipin mo nga kung lapitan ka niya at alukin na sumama sa kanya…

Tatanggi ka ba?

Sasabihin mo ba “Sandali lang po”? o “Pag-iisipan ko muna ito”?



Pero bakit sa Mabuting Balita ngayon e iba ang reaksyon ng mga tao.

“Uuwi muna ako sa amin.”

“May importante pa akong gagawin.”

“Abala pa ako ngayon, baka pagkatapos nito, Panginoon.”



Hindi ko sila masisisi, kasi kung titingnan, tila nais lang nilang maging praktikal at wise bago sumunod sa Panginoon.

Kasi hindi naman talaga madali yun e.

Siya na rin nagsabi na walang masasandalan ng ulo; na bawal lumingon sa pinanggalingan.

Hindi itinago  kailanman ng Panginoon natin na kasama sa pagsunod sa kanya ay sakripisyo ng pamilya, ambisyon, pagpipilian, at maging ng sarili mong buhay.



Tinatawag tayo ni Hesus na sumunod sa kanya, yakapin ang misyon niya, iugnay ang puso sa kanya.

Anuman ang katayuan natin sa buhay ngayon – may-asawa, single, pari, relihyoso, misyonero, kabataan – naririnig natin ang tawag sa atin lagi.

Hindi minsan kundi paulit-ulit na imbitasyon yan; ganyan kasi talaga siya.



Kung sasagot ka at sasang-ayon, maraming kahulugan iyon. Dapat maging seryoso ka:

Sa buhay pamilya at buhay mag-asawa

Sa buhay single na nag-aaruga sa pamilya o komunidad

Sa paglilingkod bilang pari at madre na puno ng pagmamahal at kabutihan sa kapwa

Sa pagiging mga anak na magalang at malambing sa magulang

Sa paglilingkod bayan na iniisip muna ang kapakanan ng mahihirap at nangangailangan

Sa pagtatrabaho na masipag, malikhain at responsable.



Marami tayong nasasaksihan na sumusunod daw sa Panginoon pero:

*Pabaya sa komitment nila

*Sumisira sa pangako

*Binabawi ang tipan

*Mas gusto ang luho at pahinga

*Nakakapit sa panlabas na anyo ng paglilingkod kesa sa panloob na ugali

*Nakatutok sa gantimpalang tatanggapin bago sa krus na dapat pasanin.



Di ba tayo din iyan minsan?

Hindi tinawag ni Hesus ang mga perpekto, tiyak tayo diyan.

Tinatawag niya ang malakas at mahina, matuwid at nagkakamali

Walang bahid at na-mantsahan na, ang buo at ang wasak…



Sa pagpasyang sumunod sa kanya, nagaganap ang pagiging unti-unting perpekto

Siya lang kasi ang makagagawa nito

Ang kailangan lang ay isuko ang sarili sa kanyang mga kamay

Siya na ang bahala sa iba.



Meron bang hinihingi ang Panginoon na gawin mo ngayon bilang pagsunod sa kanya?

*Nag-aatubili ka ba?

*Natatakot kaya?

*Nagdadalawang-isip?

Magdasal nang higit pang tiwala

Humingi ng tibay ng loob

Hilingin ang pananampalataya sa hindi mo nakikita pa.


 (huwag kalimutang i-share sa kaibigan)


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more