YES LAGI SA INSPIRASYON!
BAWAT ARAW KASAMA SI
SAN FRANCISCO DE SALES 16
Sa kanyang walang sawang
pagmamahal, palaging nagtatanim sa ating puso ang ating Ama sa langit ng mga
inspirasyong inaasahan niyang magbibigay pag-asa at gigising at magsisindi ng
paghahangad para sa kanyang makalangit na pag-ibig.
Tanggapin mo ang mga ito at
pasalamatan, na walang pasubali at pag-aalinlangan. Pakinggan mo ang mga ito.
Linangin mo ang pag-ibig na iyong
nadarama.
Maaaring hindi sobrang laki ng
kagalakan na matatagpuan sa paggawa nito, pero malaking hakbang na ito.
Kahit ang lugod na nadama mo ay
tila kulang pa sa ganap na pagtatalaga ng sarili sa kanyang pag-ibig, ito pa
rin ay pagpapakita na tayo ay umuusad, kahit mabagal, kahit maingat, tungo sa
tamang direksyon.
Huwag kalimutan, na ang kabanalan
ay nasa pagtugon sa mga inspirasyong ito, at kung matapos salubungin ang mga
ito ay nabigo tayong tumugon sa mga ito, nasisiphayo natin ang Diyos at
minamaliit ang kanyang kabutihan.
Huwag makuntento lamang sa
kanyang mga inspirasyon kundi sundan ang mga ito na walang patid at buong
pagmamahal.
Makikita ito ng ating Ama na
bagamat walang anumang obligasyon sa atin, ay mauudyukan na mahalina sa atin
dahil sa ating pag-ibig sa kanya.
Ang pagsang-ayon na nananatiling
nakasuksok lamang sa puso at walang ipinapakitang resulta ay tila baging na
hindi namumunga.
Sa buong maghapon:
Ang kabanalan ay nasa pagkilos
bilang tugon sa inspirasyon ng ating Ama.
(paki-share po para lalong makatulong sa iba at dumami ang magpuri sa Panginoon. thanks po!)
