UNANG LINGGO NG ADBIYENTO - B

-

PAGHIHINTAY NA MAY PANANABIK



May iba-ibang reaksyon kapag tayo’y naghihintay.

May naghihintay na naiinip na.  May naghihintay na kakaba-kaba.  May naghihintay na galit at nagda-dabog.  Merong nadala na sa kahi-hintay dahil sobrang tagal na at tila walang nangyayari.

Ang Adbiyento ay paghihintay pero ibang uri ng paghihintay kaysa mga ordinaryong karanasan natin ng paghihintay.

Sa Adbiyento, hinihintay natin ang Diyos, hinihintay nating makita ang kanyang kapangyarihan na lumantad, hinihintay natin siya na yumuyuko upang yakapin ang kanyang mga anak.

Kaya para sa Kristiyano, ang paghihintay ng Adbiyento ay puno ng pananabik, ng pag-asa, ng galak. Oo, kahit ba sabihin pang naghihintay tayo sa gitna ng dusa at sakit na dala ng ating mga pang araw-araw na problema. May pag-asa pa rin kasi Diyos ang ating hinihintay na darating upang magdala ng mabuti, bago at magandang handog para sa ating buhay.

Naglalakad ako sa gilid ng kalsada. Nakita ko sa isang banda ang isang maliit na batang nakatanaw sa porch ng bahay nila, patalon-talon, nakangiti at kinikilig pa. Sinundan ko ang mata ng bata at sa kabilang ibayo ng kalsada may isang lalaking nakatingin din sa bata, nakangiti at kumakaway-kaway din. A, ito pala ang tatay niya. Siguro buong hapon, naghihintay ang bata . Tuwang tuwa siya kasi tanaw na tanaw na niya ang tatay niya.  Ang lapit-lapit na ng tatay niya sa pag-uwi sa bahay.

Nasasabik ka pa ba sa Pasko? May excitement pa ba ang bawat Adbiyento na hinihintay mong salubungin si Kristo?  Ano ba talaga ang hinihintay mo ngayong panahong ito?  Kasama ba diyan ang Diyos?

Lord, punuin mo po ng pananabik ang aking puso…

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more