IKATLONG LINGGO SA KARANIWANG PANAHON - B

-

ANG TAMANG SALITA



Hindi lahat ng salita ay nakakatulong. Tama bang mag-joke ka kapag nasa harap ka ng isang namatayan?  Ok bang magkuwento ng nakakatakot sa isang birthday party? Dapat bang mag-ingay kapag nagdarasal ang buong pamilya?

Isipin natin ang mga pagkakataong ang ating mga salita ay nakasakit, nakahadlang, o nakadagdag sa kaguluhan at pagkalito sa paligid.  Subalit ang Diyos, alam niya ang tamang salita para sa tamang pagkakataon.

Nang malapit nang “maubusan ng oras” ang mga taga nineveh dahil sa kanilang kasamaan, ginawa ng Diyos ang isang kahanga-hangang bagay: isinugo si Jonas upang ipahayag ang pagsisisi at pagbabalik-loob.  Nang panahon na upang simulan ang pagliligtas ng daigdig, dumating si Hesus upang ipahayag ang Mabuting Balita ng Diyos sa lahat. Tumawag din siya ng iba pang makakasama niya sa pagpapahayag ng salita ng kaligtasan, bilang mangingisda ng mga tao.

Ganyan ang salita ng Diyos. Lapat at nararapat sa pangangailangan ng bawat tao. Kaya nga ang salita ng Diyos ay makapangyarihan at tumatalab, lalo na kung pababayaan natin itong mag-ugat sa ating puso. Tulad ng unang mga alagad, inaanyayahan tayo ng Panginoon na samahan siya upang magpahayag ng salitang hinihintay ng lahat – ang salitang nagbibigay buhay.

Bilang isang Katoliko, damputin natin ang ating Bibliya araw-araw. Basahin natin ito. Isapuso natin ito. Gamitin natin ito sa paraang makatutulong sa atin at sa mga tao sa paligid natin.  Mahalin ang Salita ng Diyos. Mahalin ang Bibliya – ang nasusulat na Salita ng Diyos. Mahalin si Hesus – ang Buhay na Salita ng Diyos.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more