LINGGO NG PENTEKOSTES K

-

 


ANG KALOOB NA ESPIRITU, KALOOB NA KAPAYAPAAN

JN 20: 19-23

 


 

 

Laking sindak at gulat ng mga alagad! Si Hesus na inakala nilang patay na, ngayon ay lumitaw sa harap nila. Natakot sila sa maaaring kahinatnan ng engkuwentrong ito. Bago siya mamatay, hindi pa naman nila kinayang Samahan siya sa pagdarasal sa Halamanan. Nagtakbuhan pa naman silang lahat nang dinakip siya ng mga kaaway. Sa Kalbaryo, ni isang hibla ng buhok nila ay hindi nakayang saksihan ang kanyang kamatayan. Takot sila, nahihiya sila, dahil iniwan nila siyang nag-iisa.

 

Handa na sila ngayon sa sasabihin niya. Kahit pa sumabog siya sa galit at sabihing: Nasaan kayo nang nagdurusa ako? Paano Ninyo natiis na pabayaan ako doon? Ni wala bang isa man sa inyo ang may tapang at lakas na manindigan para sa akin? Anong klase kayong mga alagad na hindi sumubok man lang na ipagtanggol ako?

 

Subalit narito si Hesus ngayon, paulit ulit sa iisang mensahe niya – Kapayapaan! Ang mukha ng pagdurusa noon ngayon ay payapang nagsasabi: kapayapaan. Ang nakabayubay sa krus noon, ngayon masiglang nagpapahayag ng kapayapaan. Ang pinunong iniwasan nilang Samahan sa kahihiyan, lakas loob ngayong nagbabagi ng kapayapaan. Hindi galit, hindi bintang, hindi paninisi. Ang tanging dala ni Hesus ay kapatawaran… at kapayapaan!

 

Umaapaw si Hesus sa kapayapaan dahil lubos niyang kaugnay ang Espiritu Santo, na nanatiling kapiling niya sa krus at libingan. Ngayong muling nabuhay, taglay niya ang kaganapan ng Espiritu. Kaya maaari na niyang ibahagi ang kapatawaran at kapayapaan bumubukal sa Espiritu. Ipinangako niya ang Espiritu na siyang magtuturo, magpapaalala at tutunaw ng mga puso… ngayon ipinakikilala niya ang Espiritu bilang saligan ng kanilang kapayapaan. 

 

Dahil sa pandemya, ilang beses na-postpone ang heart surgery ng isa kong kaibigan. Nang bumaba na ang Covid infection, pati tuloy ang doktor ay nangimi na ituloy ang operasyon. Subalit ang kaibigan ko ay kumbinsido na ito ang kalooban ng Diyos. Sa isip niya, walang alinlangan. Sa puso niya, naroon ang pagsuko. Tiyak siyang ginagabayan siya ng Espiritu Santo pati na din ang doktor sa paggawa ng nararapat. Namamayani ang kapayapaan sa kanyang puso.

 

Handog ng Panginoong Hesus sa atin ngayon ang kapayapaan, kung handa rin muna tayong tanggapin ang pinakadakilang Handog ng Pagkabuhay, ang Espiritu Santo. Bukas ba ang puso mo para sa kanya? Ang Diyos ng Israel ay nagpakilala bilang Ama, si Hesus naman ay nagpahayag bilang Anak. Ngayon, nagbubunyag ang Espiritu Santo ng sarili bilang matalik na kaibigan ng bawat pusong nananalig, ng bawat pusong naghahangad ng kapayapaan. Halina, Espiritu Santo at manahan ka sa akin!

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more