IKALAWANG LINGGO NG ADBIYENTO A

-

 


BUMUBUKAL ANG PAG-ASA

MT. 3: 1-12

 


 

 

Ano ang silbi ng pinutol na puno? Ito ang tira-tira ng halamang pinalakol, dating mayabong na puno na ngayon ay nabubulok at malapit nang maging tuod. Pero di ba ginugulat tayo ng kalikasan kung minsang ang bulok na tuod ay biglang nagbabalik-buhay? May tangkay na tutubo; may usbong na namumuo; may katiting na berdeng dahon na sumisilip sa araw at sa hangin.

 

Ipinapahayag ni Isaias (Is. 11) kung paanong sa kawalang-pag-asa, nagaganap ang himala. Kung ano ang itinuring na hindi na magbabago, na kasiphayuang dapat na lamang tanggapin, doon sa tulong ng Diyos, bumubuwelta ng bagong lakas at bagong pagpupunyagi. Nakikita ng Diyos ang patay na kahoy subalit hindi niya ito gagawing upuan o tuntungan. Siya ang Diyos na mapagbigay, laging nagbibigay, laging naghahandog ng pagkakataon, laging humihinga ng pag-asa, laging kakampi ng buhay! Ang tuod ay magiging mayabong na puno ulit!

 

Sa mabuting balita, nakita din ni Juan Bautista ang mga tanda ng kabulukan sa paligid. Tuyot na ang puso ng mga Pariseo at eskriba sa mensahe ng Diyos. Walang pakialam ang mga tao sa pagsisisi, hindi nila daw ito kailangan. Sigurado na daw silang maliligtas dahil kakabit ng pangalan nila ang pagiging piniling bayan, ang pagiging mga anak ni Abraham.

 

Nangaral si Juan tungkol sa Diyos na hindi umuurong sa harap ng pinakamatinding kasalanan at pagtanggi sa kanya. Lalo niyang hahanapin ang mga anak niya. Ipadadala sa kanila ang pinakadakila niyang handog, ang kanyang Anak, at ang kanilang Tagapaglitas, ang Panginoong Hesukristo! Para sa Diyos, ang Israel na matigas ang ulo at tigang ang damdamin, ay hindi pa dapat sukuan. Darating ang Isang magsisimula ng rebolusyon ng pagbabago, pagpapanariwa, at pag-usbong ng pag-asa at buhay.

 

Minsan akala natin hindi na tayo makaka-alpas sa ating mga pagsubok. Minsan akala natin lagi na lang tayong nakatali sa ating mga kahinaan at kasalanan. O minsan ang tingin natin sa kapwa ay hindi na makalalaya sa mapanira at mapanakit nilang kilos at pag-iisip. Gusto nating sumuko sa sarili at sa ating kapwa! Ngayong Adbiyento, nagdadala ang Diyos ng pag-asa na mapapawi din ang dilim at sisikat din ang liwanag. May nabasa ako na ang sabi: “Huwag mong pagkaitan ng pag-asa sinuman; baka ito na lang ang kanyang kinakapitan.” Ganyan ang Diyos sa atin; laging may alay na pag-asang nag-uumapaw. Kailangan lang hilingin, asamin, at tanggapin ang handog na ito.

 

Habang naghahanda tayo sa dakilang kapistahan ng Pasko, hayaan nating buhayin muli ng Panginoon anumang nabubulok sa atin, itayo anuman ang natumba na, ayusin ang nawasak na mga pangarap at mga ugnayan, at pagkalooban tayo ng pag-asa sa ating pakikipagtagpo kay Hesus. Panginoon, buksan mo po ang aming mga puso sa pagdating ni Hesus, ang magpapa-usbong ng pag-asa!

 

(A Friendly Request: will you please click the "follow" button on the "Followers" section of this blog? it will be a great help to boost the blog. thank you for your kindness. God bless!)

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more