PASKO NG PAGSILANG NG PANGINOONG HESUKRISTO A

-

ANG BETLEHEM AY BASBAS NG DIYOS



Muli akong nakarating sa Betlehem sa taong ito, ang aking pangalawang pagdalaw doon.  Bakit nais nating dalawin ang lugar na ito?  Bakit binabalik-balikan natin ito kahit sa gunita at diwa man lamang tuwing Pasko?

Kasi, ang Betlehem ay nangangahulugan ng pagbabasbas para sa atin. Itong “tahanan ng tinapay” ay umaapaw sa sustansang nakahanda para sa mga anak ng Diyos.  Sa Betlehem, lumalapit tayo sa Sanggol na pagpapala ng Ama sa daigdig, ang ating Panginoon at Manunubos.

Sa Paskong ito, hingin natin ang pagpapala ng Betlehem:

Hilingin natin na pagpalain ng Betlehem ang ating isip.  Maraming alalahanin, suliranin, problemang dapat harapin sa bawat araw. Tila sasabog ang isip sa bigat ng paglutas sa mga ito. Sanggol ng Betlehem, basbasan mo ang aking isip ng kapayapaan.


Hilingin natin na pagpalain ng Betlehem ang ating puso. Kahit ngayon, may mga takot sa loob ng puso.  May galit at hinanakit, may panghihinayang at sakit na nararamdaman. Ang dami nating gusto kahit hindi mabuti sa atin.  Sanggol ng Betlehem, basbasan mo ang aking puso ng kagalakan.

Hilingin natin na pagpalain ng Betlehem ang ating kamay. Gusto nating magtrabaho subalit walang mapasukan.  Kulang ang kita sa ating opisina at pabrika. Natutukso tuloy tayong gumawa ng masama.  Sanggol ng Betlehem, basbasan mo ang aking mga kamay ng katapatan at sipag.

Hilingin natin na pagpalain ng Betlehem ang ating mga paa. Marami sa atin ang walang direksyon, tila tumatanda na walang pinagkatandaan. Nang iwan tayo ng mga taong mahal, ng mga pinagtiwalaan, hindi natin makita kung paano tayo uusad sa buhay. Naguguluhan tayo bilang kabataan, bilang katandaan.  Saan ba talaga ang lugar natin?  Sanggol ng Betlehem, basbasan mo ang aking mga paa ng malinaw na layunin sa buhay.

Hilingin natin na pagpalain ng Betlehem ang ating buong katawan.  Lagi tayong naghahagilap ng pag-ibig.  Gustong magmahal at gustong mahalin. Minsan mapagbigay, minsan makasarili naman. Minsan walang suporta at pag-ganyak sa ating paligid.  Tila iniwan tayo at pinagtaksilan ng mga taong inaasahan nating magmamahal.  Sanggol ng Betlehem, basbasan mo ako at yakapin nang mahigpit ngayon. Nais kong madama ang iyong pagmamahal.

Nawa manatili ang Betlehem sa ating buhay araw-araw. Ito nawa ang maging takbuhan sa tuwing kailangan nating makaugnay ang Diyos na naging Kapatid natin sa ating pagiging tao.

Maligayang Pasko po sa inyong lahat!



Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more