KAPISTAHAN NG STO. NINO

-

TAMANG ARUGA

Tumitibok ang puso ni Hesus para sa mga bata at mga kabataan. Sila ang halimbawa ng kadakilaan. Ang kanilang kababaang-loob ay kahanga-hanga. “Kapag hindi kayo nagbago at tumulad sa mga bata, hinding hindi kayo mabibilang sa mga pinaghaharian ng Diyos. And sinumang nagpapakababa tulad ng batang ito ang siyang pinakadakila sa mga pinaghaharian ng Diyos.” (Mt. 18:3-4).

Pero paano ba talaga pahalagahan at arugain ang mga bata at kabataan ngayon? Hindi madaling gawain ito tulad noong dating panahon. Masalimuot ang proseso ng pagpapalaki sa mga kabataan ngayon. Balot sila ng teknolohiya at media. Minsan kailangan pang mag-seminar ang mga magulang para lang magtagumpay sa kanilang tungkulin sa mga anak nila!

Iyong ibang magulang hinahayaan lang ang mga anak na gawin ang anumang naisin nila. Nagmamasid lang sila at takot masabing nakikialam.  Subalit dapat tandaan na kung may isang bagay na hindi pa buo sa kabataan, ito ay ang pag-iisip ng kinabukasan, ng bunga o resulta ng kanilang pasya o gawain. Ang alam lang ng bata ay ang ngayon, hindi ang magaganap sa bukas.

Kapag pinayagan lang sila mag-isa, para bang itinutulak natin sila sa bangin ng panghihinayang pagdating ng panahon. Dapat tayong matatanda sa kanila ang gumabay upang hamunin silang maisip kung ano ang naghihintay sa kanila sa mga pasya at gawain nila ngayon.

Mabuti na lang maraming magulang ang nakakatuklas na sa tamang gabay at disiplina, mas nalalaman ng mga kabataan ang kanilang kakayahan at ang kanilang limitasyon. Mahalagang malaya sila pero mahalaga din ang tamang paghubog sa kanilang puso at isip.  Sa halip na bawian sila ng kalayaan, ang mga ginagabayan ng wasto ay lalong nagkakaroon ng tiyaga, malasakit, tamang pagtitimpi, paggalang sa sarili at kabutihang-loob.

Mismong ang  Panginoong Hesus ay may isa lang tiyak na pangako sa mga taga-sunod niya at ito ay ang krus! Mahal niya ang mga bata at kabataan sa pusong nagbibigay ng parehong kalayaan at pananagutan.  Dapat din nating akayin ang ating mga kabataan upang maging matapat na alagad ng Panginoon.

Ipagdasal natin ang mga pamilyang nag-aaruga ng kabataan ngayon upang mahikayat nila ang mga ito na abutin ang mga pangarap at maging responsible sa kanilang bawat kilos. Sana lahat ng pamilya ay maging responsible sa pagpapalaki ng responsableng mga Kristiyano at mamamayan.  Tulungan nawa tayo ng Sto. Nino.



Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more