IKA-26 NA LINGGO SA KARANIWANG PANAHON, B

-



PUTULIN MO!



Binibigyan tayo ng Mabuting Balita ngayon (Markos 9) ng tila nakatatawang larawan ng langit – isang lugar kung saan ang mga naroon ay mga may kapansanan. Sabi ni Hesus: kung nais mong pumasok sa buhay na walang hanggan (langit), putulin mo ang iyog mga kamay at mga paa, kung ito ang sanhi ng iyong pagkakasala dito sa lupa. Isipin mo na lang kung sa langit nga ang mga tao ay mga naka-saklay at naka-benda ang mga katawan, palukso-lukso dahil sa nawawalang mga bahagi ng katawan. Siyempre, isang larawan lamang ito pero may mas malalim na katotohanan ang mga salitang ito.

Sa kasaysayan ng Kristiyanismo, mula noon hanggang ngayon sa maraming mga bansa, ang mga tagasunod ng ating Panginoong Hesus – Katoliko man o Protestante, Ortodoso, o Pentecostal – ay ipinagpalit ang  kanilang mga katawan kaysa wasakin ang kanilang pakikipag-ugnayan sa Panginoon. Ang mga martir na monghang Carmelites ng Compiegne sa France ay pinugutan ng ulo ng mga rebolusyonaryong galit sa simbahan. Ang mga martir ng Japan at Korea ay sinunog, tinadtad, hinila ng mga kabayo, ipinako, o dinaganan ng mabibigat na bato hanggang mamatay subalit hindi isinuko kaylanman ang kanilang pananampalataya. Ang mga martir ng Syria, Iraq, Ehipto, at iba pang lugar ngayon ay patuloy na nag-aalay ng sarili bilang handog sa Panginoon. Minsan, hihingin ng Panginoon ang kanyang mga salita ay talagang isabuhay nang literal.

Subalit para sa marami sa atin ngayon, ang hamon ay hindi pisikal kundi espiritwal. Isang malaking tunggalian ng mabuti at masama ang nagaganap sa harapan natin araw-araw. Walang tigil ang mga pagpipilian upang patuloy na ipamalas ang ating pananampalataya. Kapag nagkasala kasi tayo, hindi lamang ang ating mga sarili ang dala-dala natin kundi kaladkad din natin ang ating kapwa, tulad ng babala sa atin ng Panginoon sa Mabuting Balita ngayon.

Ang Kristiyano ay tinatawag na magiting na “putulin” ang anumang magiging sanhi ng kanya o ng kanyang kapwa upang madapa. Natural, ang pagputol na ito ay espiritwal at hindi pisikal, pero ito nga ang mas masakit at mas grabeng pagputol.

Kaya mo bang “putulin” ang iyong dila upang huwag itong makasakit ng kapwa sa pananalita? Kaya mo bang “putulin” ang iyong kamay upang hindi na ito kumuha ng hindi naman sa iyo? Kaya mo bang “putulin” ang iyong paa upang hindi ka na makarating sa mga lugar ng iyong bisyo?  Kaya mo bang “dukutin” ang iyong mata upang hindi na ito magsawa sa website o pelikulang hindi disente? Kaya mo bang “putulin” ang iyong mataas na pride upang maunawaan mo ang iyong kapwa?

Pinalalala ng Panginoon ang larawan sa kanyang pagtuturo upang maramdaman natin ang bigat ng kanyang mensahe. Huwag nating balewalain ang mga salitang ito at sa halip ay mabilis na tumugon sa pamamagitan ng ating paglalapat ng mga ito sa ating buhay.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more