IKA-28 LINGGO SA KARANIWANG PANAHON, B

-



PALAWAKIN PA!



Nakakapagpalubag-loob ba na marinig ang Panginoon na sabihin sa Mabuting Balita (Mk 10) ngayon na mahirap pumasok sa Kaharian ng Langit? Sinabi niya ito dalawang beses, unang tinutukoy ang mga mayayaman; ikalawang tinutukoy ang lahat.

Nasabi ito ng Panginoon matapos masaksihan ang paglalakbay ng isang kabataang lumapit sa kanya na nais marating ang buhay na walang hanggan. Malinaw na naghahanap siya sa Diyos. Malinaw na nagtatanong siya, nag-iisip siya.

Bukod diyan malinaw na interesado siya sa kaharian ng Diyos. Nagliliyab sa puso niya ang buhay na kaaya-aya sa Panginoon. Ang puhunan niya ay ang pagsunod sa mga utos.

Subalit paliwanag ng Panginoon, hindi sapat ang interes. Hindi rin sapat ang pananabik. Kailangang palawakin pa ang pagpapagal. Kailangang buksan pa ang puso. Kailangang maging mas mapusok at malikhain pa sa pagsunod sa pangarap. Ipagbili mo ang lahat… ipamigay mo ang lahat, iyan ang sikreto, sabi ng Panginoon.

Isang babala (asawa ni babalu) ang bigay ni Hesus, laban sa pagiging kuntento sa “puwede na”. Sabi ng born-again Christian: basta tanggapin mo si Hesus sa puso, puwede na. Sabi ng Protestante: basta nasa Bibliya iyan, puwede na. Sabi ng Katoliko: basta sundin mo ang sabi ng simbahan, pasado na. Tila yata sinasabi ng Panginoon: hindi sapat ang relihyoso o espiritwal ka lang. Iunat mo pa ang iyong kamay sa mga nangangailangan. Buksan mo pa ang puso mo sa mga dapat mahalin.

Sa praktikal na buhay, puwede na sa estudyante ang makapasa lang sa finals. Puwede na sa asawa na mapunan ang pangangailangan ng pamilya. Puwede na rin sa may trabaho ang matapos lamang ang gawain.  Tila sinasabi ng Panginoon: mag-aral para sa buhay at hindi sa grado lamang; maging tunay na mapagmahal sa asawa at mga anak; gawing misyon ang trabaho at hindi lamang sanhi ng pera.

Ang mga banal ay mga taong naunawaan ang sinasabi ng Panginoon. idinagdag nila sa kanilang pagnanasa at sa kanilang pagpupunyagi ang buong pagtutok ng puso at kaluluwa tungo sa kaharian ng langit. Mas umusod pa sila. May pinalawak pa at binanat pa hanggang kaya nila; hindi lamang inasam ang langit kundi isinabuhay bilang isang maligayang pakikibaka sa buhay.

Panginoon, bigyan mo po ako ng biyayang marating ko ang kaharian mo…

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more