UNANG LINGGO NG ADBIYENTO, K

-



DARATING SIYA



Eto na naman ang Adbiyento… ang panahon ng paghihintay! Naghihintay tayo sa isang kinagigiliwan.  Alam nating malapit na ang Pasko at araw-araw sa Eat Bulaga, ina-announce ni Baeby Baste: 46 days na lang Pasko na!

Pero ang Adbiyento ay hindi lamang pananabik sa isang ispesyal na araw, isang araw na may kabuluhang relihiyoso, tradisyunal o pampamilya man.  Ang Adbiyento ay pananabik kay Kristo na Panginoon natin upang dumating muli sa ating buhay at sa ating daigdig. Ngayon higit sa lahat ng panahon, mas kailangan natin si Hesus na dumating upang ayusin nag ating buhay, buuin ang nawasak at ibalik ang ating pag-asa.

Seryoso ka bang naghihintay kay Hesus? O sa tingin mo ay natagpuan mo na siya at hindi na kailangang maghintay pa? O naranasan mo na siya at dahil doon, walang kuwenta ang manabik pa sa kanya? Anuman ang iyong pakiramdam o iniisip, ang totoo ay maraming naghihintay… at naghihintay sila hindi sa gitna ng ginhawa kundi sa gitna ng pagkabalisa.

Iyong malala ang karamdaman ay naghihintay na makauwi na sa langit na puno ng kapayapaan at pahinga. Iyong trabahador sa ibang bansa ay nananabik na yakapin muli ang asawa at mga anak. Ang matandang ina ay umaasang makapiling ang anak na nasa rehab o nasa bilangguan. Ang binatang bagong graduate ay naghihintay ng tawag mula sa kumpanya kung saan siya nag-apply.

Naghihintay ka rin ba sa isang tao o ng isang bagay? Sa iyong puso, ano ba ang inaasam mo para sa panahong ito? O baka may inaasam ka  para sa pamilya mo?

Hindi madali ang maghintay nang ganito. Para sa marami, may kasamang pait, sakit, pagtitimpi at pagkapagod. Si Hesus lamang ang nakakaunawa ng ating paghihintay sa gitna ng dilim at ginaw. Ito ang dahilan kung bakit dumating siya 2000 taon na ang nakakaraan. Ito ang dahilan din kung bakit darating siyang muli, at hindi magsasawang dumating upang tuparin ang kanyang mga pangako.

Halina Panginoon, at hanguin mo kami sa hirap ng paghihintay…




Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more