ANG PAGBIBINYAG SA PANGINOON

-



NAGING PAMILYA TAYO NG DIYOS!



Ang ating Binyag ang araw kung kelang tayo ay napabilang sa Diyos sa ugnayang hindi mapapagot kailanman. Ang Binyag ang sakramento, ang ritwal na nagbukas sa atin ng pinto ng simbahan, ang ating bagong pamilya, upang tayo ay makapasok. Sa simpleng pagdiriwang na ito, inialay sa atin ng Diyos at ng ating mga pamilya at kaibigan ang landas ng kaligtasan, kahit tayo ay musmos na sanggol pa lamang. Ang mga sanggol ay binibinyagan upang mailapit sila sa puso ng Panginoon at ng kanyang bayan.

Si Hesus ang modelo ng ating Binyag. Kahit hindi kailangan ni Hesus ang Binyag dahil wala naman siyang kasalanan, nagpabinyag siya tulad ng mga taong nakapalibot kay Juan Bautista (Luk 3). Bakit kaya? Simpleng lang: upang ipakilala niya ang sarili bilang Anak ng Diyos na magsisimula na ng kanyang misyon.

Sa unang pagbasa (Is. 40) sinasabi sa atin ang mahalagang misyon ng Mesiyas ng Diyos. Maghahari siyang matatag. Magiging pastol siya ng tupa. Si San Pablo naman sa ikalawang pagbasa (Tito 2 at 3) ay nagpapaalala sa atin na tayo’y naligtas at naging bago dahil sa tubig na pinabanal ng Panginoong Hesukristo. Ito ang dahilan kung bakit itinuturo sa atin na lubhang mahalaga sa kaligtasan ang Binyag.

Sa buhay natin ngayon, alam ba natin na dahil sa Binyag, tayo ay Kristiyano, tayo ay mga anak ng Diyos Ama at mga kapatid ni Hesus, at mga sisidlan ng Espiritu Santo?  Alam ba natin na nagsisimula na ang ating misyon? Maraming tao ang walang direksyon sa buhay, walang kabuhay-buhay, walang pananaw sa kinabukasan.  Hindi dapat ganito ang isang Kristiyano. Sa Binyag, tulad ni Hesus, ipinagkakatiwala sa atin ang ugnayan sa Diyos upang maging mabisa tayong magampanan ang misyon natin sa mundo na may kasamang pag-ibig.

Sa susunod na isawak natin ang ating mga daliri sa holy water sa pintuan ng simbahan o magdasal ng Sumasampalataya, o mabendisyunan ng holy water, tandaan natin ang ating binyag, ang panahong naging bahagi tayo ng pamilya ng Diyos. Hindi ito nakaraan lamang. Ito ay ngayon at araw-araw. Tinatawag tayo ni Hesus na maging tulad niya na may kapangyarihang baguhin ang ating mundo. Kristiyano ka! Tandaan mo ang iyong karangalan. Isabuhay mo ang iyong binyag!


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more