IKATLONG LINGGO SA KARANIWANG PANAHON, K

-



KAGALAKAN SA SALITA!



Matatapos na ang Bible Study nang dumating ang isang tao na masyado nang late; kilala siya bilang eksperto sa Bibliya. Nagbabahagi ang huling sharer at nabanggit nito ang salitang “love”. Pag-upo ng huling dumating na ito, biglang nagsimula na siyang magbahagi tungkol sa paksang “love”. Buti na lang at ipinaalala ng lider na ang paksa ay “Si Hesus, ang Daan tungo sa Ama.” Biglang nagsalita na naman ang huling dumating at nagbahagi tungkol sa bagong topic na nabanggit.

Sinabi niyang maraming tao ang nawawala na sa landas ng kabutihan. Dapat labanan ang kabuktutan o kasamaan ng mundo. Walang kumpromiso daw sa pag-ibig ng Diyos kaya kung sino ang hindi makikinig, ay hindi rin makararating sa Kaharian ng Diyos kundi sa kanyang paghuhukom. Walang magawa ang iba kundi makinig sa taong ito na ayaw magpapigil.

May mga taong nagbabasa ng Bibliya at akala nila ay mas mataas na sila sa kapwa. Akala nila may karapatan silang manghusga ng kasalanan ng iba. Para bang pag nagsalita sila, sila lamang ang may pagkakakilala sa Panginoon.

Baligtad ang sinasabi sa unang pagbasa (Nehemias 8) ngayon. Ang Salita ng Diyos ay hindi dahilan upang maging mahigpit, manhid at mapanghusga. May isang kahanga-hangang katangian ang Salita ng Diyos na laging nananatili – kagalakan!

Binasa at ipinaliwanag ni Nehemias ang aklat ng Batas, ang kinikilala nilang Banal na Kasulatan. At naapektuhan ang maraming nakarinig, parang piniga ang kanilang puso at nagsimula silang umiyak, manangis. Pero biglang pinigilan sila ni Nehemias. “Huwag kayong maging malungkot… huwag kayong umiyak.” Patuloy pa niya: dapat kumain at uminom at magbahagi sa iba ang mga nakarinig ng Salita ng Diyos. Ang layunin ng Salita ng Diyos ay bigyan tayo ng lakas ng loob, palakasin at paigtingin ang ating kagalakan.

Tinatanggap ba natin ang Salita ng Diyos kapag nagdarasal tayo o nagsisimba? Ang pangangaral o paliwanag ba sa ating simbahan ay nagdadala ng kagalakan o ng lagim at takot sa puso ng mga tao? Maraming tao na ang umalis sa simbahan dahil wala silang mapulot na inspirasyon upang maging maligaya ang buhay. Ibalik natin ang galak na mula sa pagbabasa, pagdarasal at pangangaral ng Salita ng Diyos.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more