IKALAWANG LINGGO SA KUWARESMA K

-

TUNAY NA MAGANDA



May isang titulo ang Mahal na Biren at iyan ang kagandahan. Tota pulchra es, Maria!  Ganap ang iyong kagandahan, O Maria!

Kung ganito ang kagandahan ni Maria dahil sa biyaya ng Diyos sa kanya bilang Ina ng Anak ng Diyos, e paano pa kaya ang Anak na iniluwal niya sa mundong ito? Mas maganda, walang hanggang mas maganda, dahil ito ang Anak ng Diyos na naging isang taong tulad natin.

Ito ang nakakagulat na kagandahan ni Hesus na nakita ng mga alagad sa bundok. Sa pagbabagong-anyo ni Hesus, nakita nila ang tunay na luningning, ang totoong karangalan, ang likas na busilak ng Panginoon na nakilala nila noon bilang isang ordinaryong tao lamang. Sa kanya ngayon, nabunyag ang tunay na kahulugan ng kagandahan.  Ang Diyos ang kagandahan at ang patunay nito ay ang nagbagong-anyo na si Hesus.

Ipinakikita ng Kuwaresma ang kagandahan ng Diyos ngayon dahil nais ipaalala sa atin na tayo din ay mga anak ng Diyos at dahil diyan, tayo din ay maganda sa kanyang paningin.  Hindi sa paraang tulad ng kay Hesus. Sa ating sariling paraan, tayo ay maganda sa Diyos.

Hind madaling tanggapin ito. Marami ang hindi mulat sa kanilang kagandahan kaya nasanay na silang mabuhay sa pangit na ugali, masamang gawi, at magaspang na katauhan. Meron din na hindi pansin ang kanilang kagandahan at ang hinahanap ay ang kagandahang nakikita nila sa mundong nakapalibot sa kanila.

Marami ang mas tutok sa kagandahang panlabas, na kay daling mawala, kaya nakakalimutan nila ang kagandahan ng puso at kaluluwa na galing sa Diyos. Kapag hindi natin pansin ang ating kagandahan sa mata ng Diyos, madaling lumayo sa Diyos dala ng kasalanan.

Ngayong Kuwaresma, inaanyayahan tayo ng Panginoon na tingnan siya sa kanyang kagandahan at karangalan. Hindi upang mainggit sa kanya. Hindi upang hangaan siya. Sa halip, sinasabi niya sa atin na bumalik sa kagandahan ng ating tunay na pagkatao.  Ang Kuwaresma, na may alok sa atin na panalangin, sakripisyo at gawain ng pagmamahal, ay tutulong sa atin upang mabawi natin at mabuo natin ang kagandahang likas sa atin. Seryosohin natin ang paghahanap sa tunay na kagandahan.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more