IKA-12 LINGGO NG KARANIWANG PANAHON K

-
-->





KRUS NG KAGALAKAN



May saysay pa ba sa ating ang krus? Hindi iyung krus sa altar, sa simbahan, o sa kuwintas sa leeg, kundi yung krus ng buhay… yun bang tinutukoy ng Panginoong Hesus: kalimutan ang sarili, pasanin ang krus at sumunod sa akin.



Ang panahon natin ay kumportable at madali. Mabilis ang impormasyon. Mahusay ang mga kagamitan. Tila maaabot lahat ng pangarap. Madali ang solusyon. Kaya nga maraming bumoto sa ganitong pag-iisip noong nakaraang eleksyon. Nais burahin ang paghihirap (at tama naman) ng milyun-milyong mga tao. At gustong gawin ito ng mabilis at madali, mga 3 hanggang 6 na buwan daw, sabi ng nahalal na presidente, at kinagat naman ng mga tao.



Hindi tayo kumportable sa krus. Kung kayang alisin sa landas natin, bakit naman hindi?



May mga krus na hindi na natin dapat pang pasanin. Kailangang matutunan nating itapon ang krus ng nakaraan para makalakad tayo na may magaan, mas mabilis at mas maluwag ang pakiramdam.  Kailangan ding matutunan nating huwag pagtuunan ng pansin ang krus ng kinabukasan, dahil kapag napako ang isip natin sa hindi pa nagaganap, magiging lumpo tayo at hindi na makakakilos.



Pero ang sinasabi sa atin ng Panginoon ay bitbitin ang pang-araw-araw na krus ng ating buhay, at sumunod sa kanya; tumingin lamang sa kanya at hindi sa krus sa ating balikat. Sa kabila ng modernong buhay at sa bilis ng teknolohiya, maraming pang-araw-araw na krus pa din para sa atin. Bawat tao, ibang krus: nariyan ang karamdaman, personal na problema, paghahanap ng oportunidad, pagkakamali at kahinaan, pag-aalalang pinansyal, pagkakamali sa relasyon, problemang pampamilya, kasalanan, at mahaba pa ang listahan.



Pwede nating pasanin ang krus natin na may sama ng loob, hinanakit, at panghihinayang. O magpanggap na walang krus sa ating buhay. Pero hindi ito mawawala. Tawag ng Panginoong Hesus sa atin ngayon ay ibang pananaw: pasanin ang krus na may pag-asa, kapayapaan at kagalakan. Pasanin ang krus at sumunod sa kanya. Tumingin hindi sa krus kundi sa kanya na may kapangyarihang baguhin ang ating krus at gawin itong korona ng tagumpay.












Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more