IKA-15 LINGGO NG KARANIWANG PANAHON K

-

PAANO MAGING MABUTING SAMARITANO?



May mga ideya tayo ng isang “mabuting Samaritano.” Ina-announce sa radyo na nagsauli ng nawawalang bag ang isang “mabuting samaritano.” Natutuwa ang isang ampunan na may nag-donate na “mabuting samaritano” na ayaw magpakilala.

Sa Mabuting Balita ngayon (Lk 10), talagang may ginawang mabuti ang samaritano. Tumulong siya sa isang nangangailangan. Ginamit din niya ang kanyang salapi para isang naghihirap. Pero bago dumating ang samaritano, may dumaan pang dalawang Hudyo na mabubuti namang tao.

Dumaan ang isang pari na laging relihyoso at paladasal. Dumaan din ang Levita na laging nasa Templo. Dumaan silang pareho. Nakita nila ang taong duguan at sugatan. Bilang mga tao din, tiyak naawa sila sa binugbog at ninakawan.  Tiyak nabagbag ang kanilang damdamin sa pagkakita sa isang naghihirap. Pero tumawid sila sa kabilang kalsada dahil marami pang dapat asikasuhin.

Dito kakaiba ang samaritano. Hindi lamang niya nakita ang sugatang tao. Hindi lamang nakaramdam siya ng damdamin sa kanyang puso. Ang sabi ni San Lukas “nakaramdam siya ng habag” (v. 33). Ano ba itong habag? Paano nagiging “mabuti” ang samaritano dahil lamang sa habag?

Ang habag ay awa-na-may-kilos. Katulad ito ng awa ng Diyos kasi hindi lamang damdamin, hindi lamang salita, hindi lamang mabuting hangarin, hindi lamang magandang intensyon. Ang habag ay pagkilos para tunay na ipakita ang iyong pagka-awa. Kahit hindi nagsasalita, ang samaritano ay tumigil, pinunasan ang mga sugat, binuhat ang lalaki, at inihanap ng matutuluyan. Walang drama, walang ingay.

Araw-araw, maraming sugatang mga tao na kasalamuha natin, at tiyak mas nagdurugo, luhaan, at sugatan kesa sa atin. Iyong iba, kailangan lang ng makikinig sa problema nila. Iyong iba, kailangan naman ng salitang pampalakas loob. Meron din namang ang kailangan ay ngiti ng kaibigan, tapik sa balikat, o yakap na pampaalis ng pangungulila at kalungkutan.

Nararamdaman mo bang tinatawag ka ng Panginoon na maging mahabagin? Inaanyayahan ka ba niyang ipakita ang iyong awa-na-may-kilos?  Hilingin natin sa Espiritu Santo na bigyan tayo ng tapang na maging mabuting samaritano sa kapwa tao natin ngayong linggong ito.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more