IKA-22 LINGGO NG KARANIWANG PANAHON K

-
-->
PAG-IBIG NA MABABANG-LOOB



Sa Mabuting Balita ngayon (Lk 14: 7-14) naroon ang paanyaya ng Panginoong Hesus tungo sa kababaang loob. Naimbitahan siya sa isang piging at ginamit ito ng Panginoon na pagkakataon upang magturo at humamon sa mga tao na magkaroon ng pusong mababang-loob.



Tila madali ang landas ng pagiging mababang-loob para sa mga naanyayahan sa piging. Basta lang daw huwag piliin ang mga upuang nakalaan sa matataas na tao.  Hayaan lamang daw ang punong-abala na ituro sa iyo kung saan ang puwesto mo. Ganito naman talaga ang normal nating pagkakaunawa sa kababaang-loob, ang huwag ituring ang sarili na karapat-dapat, mas mataas o mas magaling sa iba.



Pero hindi kumpleto ang larawan ng tunay na kababaang-loob kung hindi pakikinggan ang hamon ng Panginoong Hesus sa nag-aanyaya sa piging, ang punong-abala. Para magkaroon ng pusong mapagkumbaba, dapat buksan ng punong-abala ang kanyang pintuan sa ibang tao, pati na iyong hindi niya karaniwang inaanyayahan, iyong hindi malapit sa kanya.



Ang tunay na kababaang-loob ay hindi sa pagbaba lamang ng sarili; ito rin ay sa pagbubukas ng puso sa mga taong mas higit na kailangan ang ating pagmamahal at kalinga. Ito ay ang pakikihalubilo sa mga madali at madalas nating iwasan at layuan. Ito ay ang pagwasak ng maliit nating grupo ng mga kaibigan, upang makapasok ang mga naghihintay na maanyayahan.



Hindi naman lahat tayo ay nagpapa-party tulad ng mayaman sa ebanghelyo. Pero tiyak na tulad niya, may maliit na grupo tayo ng mga kaibigan at may mga tao rin namang iniiwasan. Kung mayaman ka, hindi mo gustong makibarkada sa mahihirap. Kung matalino ka, hahanap ka ng kapwa mo matalino. Kung sikat ka, di ba mas gusto mong sikat din ang mga kaibigan mo?



Pero sabi ng Panginoon, may gantimpala sa mga mababang-loob, sa mga taong nagpapatuloy ng iba sa kanilang grupo, sa kanilang tahahan at sa kanilang puso. May gantimpala sa langit ang bukas ang puso at sa lupa naman may pasasalamat at pagmamahal ng mga taong niyakap at tinanggap nila sa kanilang buhay.




Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more