IKA-32 LINGGO NG KARANIWANG PANAHON A

-
-->
HINDI MAAARING IPAMIGAY



Alam nating ang talinghaga ay nagsasaad ng kuwento, nagdadala ng mensahe at nauudyok ng tanong. Ang kuwento ngayon tungkol sa 10 dalaga (Mt 25), kalahati ay marunong at kalahati ay hangal, ay nagtuturo ng aral ng pagiging handa sa pagdating ng Panginoon. Ang limang marurunong na dalaga ang nagdala ng ilawan, puno ng langis, upang tanglawan ang daanan ng lalaking ikakasal sa pagsalubong nila sa kanya. Ang limang hangal naman ay may dalang ilawang walang langis at nais lamang manghingi sa mga marurunong.



Ilang katanungan ang lumulutang sa usapan ng mga dalaga. Sabi ng mga hangal: Bigyan ninyo kami ng langis. Ang sagot ng marurunong: hindi maaari kasi hindi sapat sa ating lahat. Hindi ba ito tanda ng karamutan ng mga marurunong na dalaga? Kung talagang mahal nila ang lalaking ikakasal at hangad nila ang tagumpay ng kasalan, ano ba naman ang ilang patak ng langis na ipamigay?



Madaling makita ang lutang na dahilan: hindi nga naman sapat ang langis para sa lahat! Para sa mga matatalinong dalaga, impraktikal ang solusyon ng mga hangal. Pero may isa pang dahilan na dapat pag-isipan. Ang sabi ng mga matatalino: humayo kayo at bumili para sa sarili ninyo. Tila ba sinasabi nilang ang pagkakaroon ng liwanag sa buhay ninyo ay personal na atas ng bawat isa. Ikaw mismo ang hahanap, ang bibili ng langis mo. Hindi ka dapat umasa sa iba. Ang langis mo, ang liwanag mo ay dapat iyong-iyo.



Mahalaga ang munti subalit matinding aral na ito. Hindi mo maipamimigay ang iyong liwanag. Maaari mo itong pasinagin upang makita ng iba, pero hindi ito maaaring ipamudmod sa iba. Ang pagkakakilala at pagmamahal mo sa Panginoon ang siyang pinakamahalagang sangkap, ang puso ng iyong pananampalataya. Ito ang alay mo sa Diyos tuwing sasalubungin mo siya at ang kanyang Anak, si Hesus na Panginoon, sa ating pang araw-araw na buhay.



Sa buhay mo ngayon, may langis ka ba ng pananalig at pag-ibig para kay Hesus? Meron ka bang langis ng pagkakakilala at tiwala sa kanya? Natutuyo na ba ang iyong langis? Baka kailangan nang tumungo at bumili nito para sa iyong sarili. Hilingin natin sa Panginoon na matuklasan natin para sa ating sarili ang kagandahan at kadakilaan ng pakiki-ugnay sa kanya.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more