IKA-33 LINGGO NG KARANIWANG PANAHON A

-
-->
ANG DIYOS NG MUMUNTING BAGAY



Sa pagdating sa dulo ng kalendaryo ng ating simbahan, hinahamon tayo ng Mabuting Balita na magnilay sa paghuhukom ng Diyos. Nananalig tayong may paghuhusga ang Diyos – isang personal sa oras ng ating kamatayan at isang pangkalahatan pag dumating ang maluwalhating paghahayag ng ating Panginoong Hesukristo.



Tuwing iniisip natin ang sandaling iyon, ano ang inaasahan nating hahanapin ng Diyos na husgahan? Marami sa atin ang nag-iisip na pakay lamang ng Diyos ang ating paglabag sa kanyang mga batas. Ang iba naman, nag-aakala na habol ng Diyos ang mga kasalanang batay sa Sampung Utos. Kaya nga, takot tayo sa paghuhusga ng Diyos at sa ating isip, ang Diyos ay naging isang galit at mapaghiganting Diyos.



Sa Mabuting Balita ngayon, pakinggan natin ang sabi ng Panginoon nang dalawang beses: “Tapat ka sa munting mga bagay… Halina’t makisalo sa kagalakan ng iyong panginoon.”



Sa pagninilay sa paghuhukom sa Mateo 25, nakaharap tayo sa tunay na kahulugan ng darating na paglilitis sa harap ng Diyos. Dito, ang Diyos ay hindi naghahanap ng kasalanan, paglabag o pagsuway sa kanyang mga utos. Hindi rin siya nagbibilang ng mga kasalanan ng tao. Ni hindi siya nagpapaalala ng mga kamalian sa nakaraan. Sa halip, ang hinahanap niya ay an mga “munting bagay” na isinakatuparan na may pagmamahal at katapatan.



Naisip mo na ba ito? Ang paghuhukom ng Diyos ay nakatuon sa kung paano natin ginawa ang mga pang-araw-araw, maliliit, tila walang halagang atas sa atin. Masaya ka bang naghahanda ng pagkain ng iyong pamilya? Isinasapuso mo ba ang iyong trabaho? Matiyaga mo bang inaaral ang mga takdang aralin sa paaralan? May awa at habag ka ba sa pagtulong sa kapwa? Sa ating pagtupad ng inaasahan sa atin, sa mga maliliit na bagay at gawain, dito ibabatay ng Panginoon ang pagiging mabunga natin bilang mga alagad. Ang Diyos nga ay Diyos ng mga maliliit na bagay!



Ngayon, at sa darating na mga araw, muli nating babalikan ang ating mga gawain at tungkulin. Minsan matutukso tayong gawin ito nang hindi halos nag-iisip. Minsan naman, pipilitin lamang tapusin sa kabila ng pagkabagot at pagka-inip. O kaya nanaising magampanan lamang para makuha ang upa o bayad.



Bilang mga Kristiyano, pinaaalalahanan tayo ng Panginoong Hesus na naghihintay siya, nakikisama siya, nagmamatyag siya sa ating mga simple at  munting mga gampanin sa buhay. Batid ito, gawin natin ang lahat para sa ating mga pamilya, mga employer, mga pamayanan, na may galak, pananabik, dedikasyon, at kagalingan… at oo, na may ngiti sa labi!



Halina, at makihati sa kagalakan ng Panginoon!


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more