IKA-3 LINGGO NG KUWARESMA K

-


MAHIRAP NA PANAHON





May nagsulat na ang Pasko ay mahirap na panahon para sa mga dukha. Ang panahong ito ay naging sobrang magarbo, mabusisi at mamahalin na tanging mga mayayaman lamang ang nage-enjoy dito. Ano ba ang paki natin sa dukhang mga pastol, dukhang sabsaban, at sa dukhang Sanggol?



Ang Kuwaresma ay isa ding mahirap na panahon… para sa mga makasalanan. Ang panahong ito ay laan sa pagsisisi at pagkakasundo, sa pagpapatawad at pagbabago – mga magagandang salita at matatayog na kaisipan.



Kumakagat ang mga tao sa tradisyon, langkay-langkay sa pagpunta sa mga debosyon, prusisyon pilgrimages, at ritwal. Maraming sumasali para sa libreng t-shirts, libreng angkas at pagkain. At ang tunay na lumalago ay ang mga taong natuto na ngayon na pag Kuwaresma o Mahal na Araw magpi-picnic, outing, swimming, o mangingibang-bansa. Sino pa ba ang seryoso sa ayuno, panalangin at kawanggawa? Nagiging mahirap ang Kuwaresma dahil naliligaw tayo sa dami ng mga hindi mahalaga at hindi makabuluhang bagay.



Ang mga pagbasa natin ay gabay sa ating makasalanan at liku-likong puso upang hindi maging mahirap kundi maging maayos ang dadaanan natin sa ugnayan natin sa Panginoon. Ang dahilan naman kung bakit nawawala tayo sa focus ay dahil nalilimutan natin ang kahulugan ng panahong ito, tulad din ng pagkalimot natin sa diwa ng Pasko. Ang akala natin, ang Kuwaresma ay tungkol sa kung ano ang ating ginagawa o gagawin para sa Panginoon, samantalang baligtad pala dapat.



Sa unang pagbasa, isang paalala ng masugid na hangarin ng Ama na kabigin tayo at yakapin nang may matimyas na pagmamahal. “Nasaksihan ko ang paghihirap ng aking bayan… Batid ko kung ano ang kanilang hirap… bumaba ako upang iligtas sila…” Masyado tayong aktibo, malakas, palaboy kaya gusto nating tayo ang may control ng lahat. E ano kaya ang mangyayari kung hayaan natin naman ng Panginoon na kumilos sa Kuwaresmang ito – na damhin ang ating sakit, hipuin ang ating pait, pawii ang ating mga takot? Magkakaroon kaya ng tunay na paghilom at pagbabagong-buhay?



Sa Mabuting Balita naman ang talinghaga ni Hesus tungkol sa punong walang bunga, na ayaw muna ipaputol ng hardinero upang mabigyan ng pagkakataon sa susunod na anihan. Ganyan ang Diyos tumaya sa atin. Laging bukas ang pinto upang makatuloy tayo at mabilad sa kanyang awa at pag-ibig. Magkakaroon kaya ng kaibahan kung ngayong Kuwaresma mas bukas tayo sa pag-alala na lagi tayong niyayakap at pinupuspos ng Panginoon ng mga biyaya? Hindi kaya mag-umapaw ang puso natin sa pasasalamat at kababaang-loob?



Hindi kailangang maging mahirap ang landas ng Kuwaresma, kung tatanggapin lamang natin na “ang Panginoon ay butihin at maawain.”


-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more