IKATLONG LINGGO NG KARANIWANG PANAHON A

-


TUNGKOL SA MGA LUGAR

 

 photo from internet


Nalito ka na ba sa mga lugar sa Bible tulad ng:



Zebulun at Neftali?... 2 ito sa 12 tribo ng Israel (na hinati noon sa 12 anak ni Jacob/ Israel). Ang dalawang tribong ito ay nasa hilaga ng bansa.



Bakit sinasabing “inilagay sa kahihiyan” ng Diyos ang mga lugar na ito? Kasi po e nang ipatapon ang mga Hudyo sa malayong lugar ng kanilang mga mananakop na Assyrian, unang ipinatapon ang mga tribo ng Zebulun at Neftali. Terible siguro ang paghihirap ng mga taong kasama dito.



Pagkatapos ang kanilang lupain ay tinirahan ng mga pagano.



At nang bumalik mula sa pagkakatapon at nanirahan muli sa lugar, ang lupain ay iba na ang pangalan – Galilea – isang lupaing may halong Hudyo at dayuhan, mga mananampalataya at pagano, mga mabubuti at masasamang impluwensya…



Ang isang mahigpit na Hudyo ay hindi magiging kampante sa Galilea dahil ito ay nabahiran na ng ibang lahi, hindi na puro tulad ng dati.



Kaya sabi nga ni Isaias, ang Galilea (dating Zebulun at Neftali) ay lugar ng kadiliman at kalungkutan.



Subalit ang mga salita ng propeta Isaias ay hindi natatapos sa negatibong pangitain.



 “Ipinahiya” ang lupain subalit “dadakilain” ito sa tamang panahon!



Eto na ang pangako ng muling pagbubuo ng Diyos… ang pangako ng biyaya… ang pagpapahayag ng masayang katapusan.



Darating ang Mesiyas upang lupigin ang dilim ng kawalang pananampalataya at ipangalat ang lungkot ng dalamhati ng mga anak ng Diyos.



Dadalhin ng Mesiyas ang liwanag niya… ang kagalakan niya… ang kalayaan niya para sa mga taong nabulid sa pagka-alipin at pagkatalo.



Ang Mabuting Balita (Mt 4: 12-23) ang siyang kaganapan ng pangakong ito ng propeta.



Sa tamang panahon, inilunsad ni Hesus ang kanyang misyon sa Galilea. Kung saan ayaw ng mga Pariseo na tumungo dito dahil hindi malinis sa kanilang paningin, doon naman si Hesus ay nagpasyang magpunta dahil ito na ang itinakdang araw.



Kung walang pakialam ang mga Pariseo sa mga tao sa Galilea, ang Panginoong Hesus naman ay nawili doon, sa piling ng mga maysakit, mga mangmang, at mga makasalanan na tunay niyang minamahal.



Si Hesus ang tanging kailangan ng Galilea sa pagbangon nitong muli – ngayon natagpuan na nila ang Liwanag, Kagalakan, Kalayaan!



Siguro nagkaroon ka na rin ng karanasan tulad ng mga taga-Galilea:



Naramdaman mo bang hindi ka kasali

-               Sa party nila noong Pasko

-               Sa pagpaplano para sa darating na programa

-               Sa konsultasyon na ginawa sa inyong opisina o trabaho

-               Sa pagpapasya sa mga bagay tungkol sa pamilya o grupo ng mga kaibigan?

Nakita mo ba ang sarili mo na iniiwasan

-               Dahil sa ibang opinyon mo sa kanila

-               Dahil sa pagsasabi mo ng totoo

-               Dahil sa pagtutuwid mo sa kapwa mo

-               Dahil nakagawa ka ng mali o kasalanan?

Magsaya ka, dahil kung ayaw nila sa iyo… si Hesus ang siyang dadalaw sa iyong Galilea….

-               Bukas puso

-               Bukas bisig

-               Puno ng pagpapatawad at awa

-               Tapat sa  hangarin na pakinggan ka, hipuin ka, linisin sa iyong mga kasalanan.

Dahil tunay na mahal ka niya at nais ibalik sa Kaharian ng Ama.



Maglaan ng ilang sandali upang salubungin at papasukin si Hesus sa Galilea ng iyong buhay ngayon…





(paki-share po sa isang kaibigan…)


-->

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more