IKATLONG LINGGO NG ADBIYENTO B

-

IPINAHAYAG AT HINDI IKINAILA

 

 


 

Nakakagulat ang panahon! Akala natin hindi tayo makakapagdiwang ng Pasko sa taon ng pandemyang ito, pero eto at nasa ikatlong linggo na pala!

 

Sinasabi sa atin ng Panginoon na walang makapipigil sa pagninilay sa kanyang pag-ibig sa panahong ito… higit pa nga nating kailangang madama ang pagmamahal ng Diyos sa Pasko sa gitna ng mga pagsubok ngayon. Pandemya man, tuloy na tuloy pa rin ang Pasko!

 

Inihahanda tayo ng unang linggo para sa mga dumarating na bulaga sa ating buhay. sa ikalawang linggo naman hinahamon tayong alisin ang mga balakid sa dadaanan ng Panginoon. At ngayon, isa pang paghahanda ang inilalahad sa atin, ang kababaan ng puso at isip.

 

Naging tanyag si Juan Bautista. Nagkukumpulan ang mga tao para makinig sa kanyang pangangaral at makita ang kanyang buhay. kay tagal na wala silang propeta at ngayon sa disyerto, tila umusbong ang isang bagong propeta. Kaya lahat ay nahahalinang lumapit at magtanong. Ang mga pari, levita at pariseo ay nagtatanong kung sino ba siya at ano ang kanyang misyon (Jn 1).

 

 “At kanyang ipinahayag at hindi ikinaila” na hindi siya ang Kristong… kasangkapan lamang siya sa pagdating ng Mesiyas. Ang kababaang loob niya ay dakila. Kaya niyang magyabang; kaya niyang paniwalain sila at akitin bilang tagasunod. Subalit mas kilala ni Juan ang kanyang sarili. Kaya “ipinahayag niya at hindi ikinaila.”

 

Ano ba ito? Di ba kapag ipinahayag e ibig sabihin hindi itinatanggi? At kapag hindi itinatanggi e ipinapahayag naman? Inamin ni Juan ang katotohanan… at hindi niya ikinaila sa kanila ang totoo. Ito ang tunay na kababaan ng puso. Hindi siya nagimbento ng kuwento upang ipagmalaki ang sarili o ipagtanggol ang sarili; sapat na ang aminin kung sino siya at ano ang misyon niya.

 

Ito ang maaari nating pagnilayan ngayon. Minsan kasi inaamin natin o ipinapahayag ang isang bagay na nagawa nating masama o di kaaya-aya, pero may buntot na paliwanag bakit nagawa natin ito o kung bakit hindi tayo dapat ang sisihin. Mahilig tayong umamin pero lumusot din. “Kinuha ko ang pera kasi ang damot niya e.” “Nagsinungaling ako kasi takot akong maipit sa gusot.” Habang ipinapahayag natin, lumulusot din tayo para huwag lubhang magmukhang masama. Hindi ito kababaang-loob.

 

Sa paghahanda sa Pasko, ipakita natin ang katapatan natin kay Hesus sa pamamagitan ng pagpapahayag ng ating kahinaan at kasalanan. Walang paliwanag; walang palusot; walang kuwento. Nauunawaan naman ng Panginoon ang pangyayari. Ang nais niya ay “aminin at huwag ikaila” sa kanya ang ating kabulukan upang mabago niya ang ating puso; upang magkaroon siya ng puwang na akayin tayo sa kabanalan. Magaganap lamang ito kung mayroon tayong tunay na kababaang-loob tulad ni Juan Bautista.

 

Paki-share sa kaibigan… ang photo sa itaas ay mula sa internet (Salamat po!)

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more