IKA-28 LINGGO NG KARANIWANG PANAHON B

-

 


ISUKO ANG ANO???

Mk 10:17-30 or 10:17-27

 


 

 

Naranasan mo na bang hamunin ka ng Diyos na isuko ang isang malaking bagay sa buhay mo; iyong mahalaga at makirot kapag nawala sa iyo? Ito ang naganap kay Barbara Heil. Isang convert na Protestante, si Barbara at ang kanyang asawa ay naging mga masugid na misyonero sa iba’t-ibang bansa. Nag-aral siya at nagkamit ng “certificate” kung paano akitin ang mga Katoliko sa kanilang simbahan. Pero sa pagtira niya sa Pilipinas, una niyang nakatagpo ang mga aktibong Kristiyano at nagulat siyang malaman na mga Katoliko pala ang mga ito – puno ng pananampalataya, pagmamahal sa Diyos, sa misyon, at sa kapwa.

 

Nagsunud-sunod pa ang mga pangyayaring tulad nito at nadama ni Barbara na tinatawag siya ng Panginoon na maging Katoliko. Malaking problema ito kasi paano ang kanyang buhay misyonero, ang kanyang Bible school, at ang mga simbahan na itinatag at pinaghirapan niya at ng kanyang asawa? Sa bandang huli, nagpasya siyang isuko ang lahat at sundan ang udyok ng Espiritu Santo sa pagpasok sa simbahang Katoliko.

 

Naranasan mo na din bang nang sumunod ka sa kagustuhan ng Diyos, isinuko at itinaas sa kanya ang lahat-lahat, napagtanto mong sobra-sobra pa ang ibinalik sa iyong biyaya? Matapos maging Katoliko si Barbara, nagulat siyang pati ang kanyang ina, na matagal nang lumayo sa pananampalataya ay sumunod sa kanya sa simbahan at naging aktibong Katoliko din. Si Barbara naman lalong naging busy bilang misyonero, Catholic missionary, sa maraming retreats, conferences, Bible study at marami pang paglilingkod na ginagawa niya ngayon. Higit sa lahat, puno ng ligaya at kapayapaan ang kanyang puso lalo na tuwing makatatanggap siya ng Komunyon sa Banal na Misa. Ito ang taluktok ng kanyang karanasang espirituwal!

 

Sa Mabuting Balita, may hinihingi si Hesus sa lalaking lumapit sa kanya; iwaksi ang kayamanan at sumunod sa kanya. Kaso, lumayong malungkot ang lalaki dahil higit na matimbang sa kanya ang mga ari-arian niya. Siguro ngayon, may hinihingi din sa atin ang Panginoong Hesus na isuko sa kanya. Maaaring hindi kayamanan, pero baka sariling ambisyon para maakay ka niya sa ibang landas... baka ang mataas na pride para mabigyan ka niya ng kapayapaan… baka iyong galit mo at himutok para makaranas ka ng kagalakan… baka iyong mga mapapait na ala-ala ng lumipas para naman makausad ka na at lumigaya…

 

Mahirap magsuko ng malaking bagay sa Panginoon, alam natin iyan. May pagtatalo, may pagbubuno. Subalit tulad ni Barbara, ayaw mo bang subukan kaya? Nais mo bang ibukas ang sarili sa anumang sorpresang inilalaan sa iyong buhay ng Panginoon?

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more