IKA-19 NA LINGGO NG KARANIWANG PANAHON K

-

 


MARAMI… LALONG MARAMI

LK. 12: 32-48

 


Tila mahaba ang ebanghelyo natin ngayon at natutukso akong ituon muna ang pansin sa huling mga salita ng Panginoong Hesus: “Ang binibigyan ng marami ay hahanapan ng marami; at ang pinagkakatiwalaan ng lalong maraming bagay ay pananagutin ng lalong marami.”

 

Ano ba itong ibinibigay na ito? Ano itong ipinagkakatiwala daw sa atin? Walang iba kundi ang kaloob na pananampalataya! “Huwag kayong matakot,” kahit kayo ay “munting kawan” sabi ng Panginoon. May kapangyarihan kayo upang maging matatag sa gitna ng mga unos ng buhay. At ang pananampalatayang ito ay hindi lang regalo. Ito din ay atas, pananagutan, responsibilidad, at hamon; isang udyok para tayo kumilos. Gift talaga, pero homework din, kung tutuusin. Kaya nga, may hahanapin din sa atin, may pananagutin din sa atin.

 

Sa ebanghelyo sinasabi na unang-una, ang Panginoon ay umaasang aariin nating kayamanan ang tunay na mahalaga sa lahat. Para sa marami ngayon, ang mahalaga ay ang pumapasok sa wallet o sa bank account, dahil dito nagiging sigurado ang buhay. Pero hindi ba’t ang mga kayamanang ito ay dumarating at naglalaho din? Kailangan nating tuntunin at pahalagahan ang tunay na kayamanan – ang ating mabuting ugnayan sa Diyos at sa ating kapwa tao.

 

Ikalawa, umaasa ang Panginoon na magiging tapat tayo at maaasahan. Ilang beses na nating nadinig ang kuwento ng mga Pinay OFW na naging bayani sa buhay ng mga bata na kanilang inaalagaan sa ibang bansa. Sobrang paglilingkod at pagmamahal ang ibinahagi nila sa mga amo nila doon. Ganito din ang katapatan na dapat nating ipakita sa Diyos, higit sa lahat. Anumang pananagutan ang ipagkaloob sa atin, sikapin nawa nating magbigay ng ganap na pagtatalaga ng sarili, ng puso at kaluluwa.

 

Malinaw sa Panginoong Hesus na sa kanyang pagbabalik, hahanapin niya ang nakasinding ilaw na hawak ng ating mga kamay. Ang ilaw na tanda ng buhay na pananalig sa kanya. At hahanapin din niya ang katapatan natin sa responsibilidad na ipinataw sa atin, may nakakakita man sa atin o walan, napapansin man tayo o hindi. Ang tunay na pananampalataya ay hindi lamang sa salita at hindi pakiramdam; kundi nakikita kung paano nating matiyagang pinayayabong at pinalalalim ang ating ugnayan sa Panginoon at sa ating kapwa.

 

Maaaring hindi natin laging nadarama ang naglalagablab na pananampalataya sa ating puso. Maaaring hindi tayo laging mulat sa tulong na dulot ng ating pananampalataya. Subalit lagi nating taglay ang kaloob, ang dakilang regalo ng pananampalatayang ito. May nabasa ako na ang sabi: pagdudahan mo muna ang mga pagdududa mo bago mo pagdudahan ang iyong pananampalataya. Palagay ko, tama ito dahil mas malakas at mas totoo ang pananampalataya kesa anumang takot at pangambang mayroon tayo ngayon. May inaasahan si Hesus sa atin; may hinahanap siya – buhay na pananampalataya!

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more