IKALAWANG LINGGO NG PAGKABUHAY o LINGGO NG DAKILANG AWA NG DIYOS

-

DAPAT MARAMDAMAN ANG AWA



Hindi ba tila kakaiba na sa ating pagdiriwang ng Linggo ng Awa at Habag ng Diyos, ang mabuting balita ay tungkol sa kawalan ng pananampalataya ni Apostol Tomas?  Ang Pagkabuhay ay tungkol sa pananampalataya at ang unang reaksyon ni Tomas ay hindi maniwala! (Jn. 20: 19-31)

Pero tila maganda din ngang ipagdiwang ang Pagkabuhay sa gitna ng kaalaman na dumarami ang mga tao sa mundo na iniwan na ang pananampalataya, tumatangging sumampalataya, hindi kayang manalig sa mensaheng iniaalay ng Muling Nabuhay.

Kayraming hindi makapaniwala hindi dahil gusto nilang huwag maniwala.  Marami sa kanila ay napipilitang huwag maniwala kasi hindi nila nararamdaman ang Pagkabuhay, ang awa at habag ng Diyos na gumupi sa kamatayan.  Hindi nila makita ang katotohanan ng mensahe kasi wala silang makitang patunay nito.

Malaki ang koneksyon ng pananampalataya at awa o habag ng Diyos. kapag naranasan ng mga tao ang awa ng Diyos, madaling magbukas ang puso nila. Pero kapag hindi nasumpungan ang karanasang ng awa, paano nga ba maniniwala? Tanging pagdududa lamang ang natitira.

Sa unang pagbasa, sinasabi sa atin kung paano lumago ang samahan at pagkakaisa ng mga Kristiyano.  Dahil ito sa pamayanang nagpapadama ng awa ng Diyos sa lahat. Walang makasarili. Walang naiiwanan o hindi nabibigyang pansin (Gawa 4: 32ff). Ang pamayanan mismo ang pruweba ng habag ng Diyos.

Ngayon isang malaking hamon sa ating lahat ang bagay na ito. Ang pagmamahal natin sa Divine Mercy ay nagdala sa atin sa landas ng mga gawaing debosyon, bagay na pang-debosyon, at mga pagtitipong pang-debosyon.  Meron tayong mga medalya, mga larawan, chaplet, pagluluklok ng imahen, nobena at panalangin sa alas 3 ng hapon, atbp.

Nararanasan ba ng mga mahihirap at mga dukha ang awa ng Diyos mula sa mga mananampalataya?  Ang mga salita at pangangaral ba natin ay nagiging kilos patungo sa mga naghihirap sa paligid?  Nangangaral ba tayo ng habag ng Diyos pero walang pakialam sa iba at nagtatayo ng pader sa pagitan natin at ng mga tao?

Ang huwaran natin ay si Hesus mismo, ang Dakilang Awa ng Diyos. para kay Hesus, ang habag at awa ay ipinapadama. Kaya nga nagpakita siya sa mga alagad na natatakot. Nilapitan niya si Tomas at hinayaang hipuin ang kanyang mga sugat.

Ang habag ni Hesus ay hindi lamang salita kundi makabuluhang kilos.

Panginoon, gawin mo po akong buhay na patunay ng iyong habag sa pamamagitan ng pagiging mapagmahal at mapagkalinga sa mga taong nangangailangan ng aking atensyon at pakikipagkaibigan ngayon at sa lahat ng panahon.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more