IKALIMANG LINGGO NG PAGKABUHAY, B

-


 HIGIT PA SA POWER BANK



Paano ba madaling maunawaan ang Mabuting Balita ngayon (Jn 15: 1-8)? Marami sa ating malayo sa kalikasan ang hindi makaunawa kung paano ba apektado ng puno ng ubas ang mga sanga nito. Gusto natin ng ubas, pero wala tayong tiyagang usisain pa ang nagaganap sa puno at sa sanga.

Siguro isang pagkakatulad ang makikita natin ngayon sa teknolohiya. Marami ang may cell phone, tablet, ipad, laptop at iba pang mga gadgets. Isang bagay ang kailangan natin upang magamit ito saan man tayo naroroon – ang power bank. Kapag wala nang power ang ating gadget, nandiyan ang power bank upang ituloy ang gamit ng ating gadget.

Ganun din ang puno ng ubas at ang mga sanga. Ang puno ang power bank para sa mga sanga. Ang mga sanga ay matutuyo at mamamatay kung hindi nakakabit sa power bank. Walang lakas, walang buhay at hindi gagana ang sanga kapag naputol o nawalay sa puno.

Subalit mas malalim at mas makahulugan pa ang ugnayang puno at sanga. Ang puno ay di lamang nagbibigay buhay sa sanga. Ito rin ang nagiging sanhi ng pagiging mabunga ng sanga. Sa sustansyang dulot ng puno, ang sanga ay nagkakaroon ng malulusog na dahon, bulaklak at prutas. Ito ang sinasabi ni Hesus ngayon; kapag nakaugnay tayo sa kanya, nais niya tayong mamunga.

Ang power bank, pinagagana lang niya ang mga gadgets. Nais ni Hesus na ang ating buong buhay, bukod sa gumana, ay lalo pang mamunga – ang pamilya, trabaho, pag-aaral, mga ugnayan, bawat mabuting hangarin, at ang ating panalangin.

Si Hesus ang puno ng ating buhay, at tayo ang mga sanga. Silipin natin ang ating puso at timbangin kunga gaano katibay ang ating koneksyon sa Panginoon. Manatili nawa tayong naka-plug sa ating espirituwal na power bank.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more