IKATLONG LINGGO NG PAGKABUHAY, B

-



MULING NABUHAY SUBALIT MAHIRAP MAKILALA





Sa isang talakayan tungkol sa Pagkabuhay, nagtanong ang isang babae. Bakit nga ba nang mabuhay muli ang Panginoong Hesus, hindi siya nakilala agad ng mga apostol at mga alagad niya? Hindi ba, sabik silang makita siyang muli? Hindi ba mahal na mahal nila siya?

Ngayong Linggo, sinasariwa ng Mabuting Balita ni San Lukas (24: 35-48) ang problemang ito. Nagpakita ang Panginoong subalit ang tugon ng mga alagad ay takot at sindak.  Nakita ni Hesus ang alinlangan at mga katanungan sa puso nila. Nagbunyi ang mga alagad subalit, mayroon pa ring pagdududa. Tila hindi nga madaling  makilala ang Muling Nabuhay.

Dalawa ang dahilan kung bakit ganito ang reaksyon ng mga alagad. Una, ang Panginoon ay tunay, totoong nabuhay na mag-uli!  Ngayon siya ay nagbago na! ang nangyari kay Hesus ay  hindi lamang ang pagsasabuhay ng isang dating patay, ang pagbibigay buhay sa isang bangkay. Tunay na nagbago siya. Siya pa rin si Hesus na Panginoon, subalit dapat niyang isabuhay ang bagong antas ng pagbabago.

Nakakapasok na si Hesus sa isang silid na hindi dumadaan sa pintuan.  Bigla siyang naglalaho kung tapos na ang kanyang mensahe sa mga alagad. Parehong Panginoon pa rin, subalit, nababalot na ng kaluwalhatian.  May nagbago, totoong nagbago, at hindi ito maunawaan agad ng mga tagasunod niya.

Ikalawa, ang Pagkabuhay ay isang karanasan na dapat tanggapin nang may pananampalataya. Hindi nagpakita si Hesus sa mga taong galit sa kanya, nagpapatay sa kanya, at tumanggi sa kanya. Nagpakita lamang siya sa mga taong nagtiwala at naniwala sa kanya upang patatagin sila sa pananampalataya.  Kung may Pariseo o sundalong Romano sa silid kasama ng mga apostol, tiyak hindi rin nila makikita o makikilala ang Panginoon. Bakit? Kasi hindi mo makikilala ang hindi mo pinaniwalaan. Hindi mo makikita ang isang bagay kung sarado ang puso mo dito.

Nasubok ang mg alagad. Mahal nila si Hesus at nanalig sila sa kanya subalit nayanig ang kanilang pananampalataya. Kailangan ng konting panahon upang maibalik ang kanilang pag-asa. Kaya nga, matiyagang ginabayan ng Panginoon ang mga alagad upang mabuhay muli ang kanilang pananampalataya.  Nang magrikit na, doon nila nakilala ang Panginoon.

Manalangin tayo upang makilala natin sa Hesus sa gitna ng mga pagbabago ng buhay natin. Manalangin tayo upang maibangon ang pananampalatayang nasubukan. Nawa ang Panginoong Muling Nabuhay ang maging tunay nating kalakbay  sa ating buhay. Amen!

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more