IKA-PITONG LINGGO SA KARANIWANG PANAHON

-


I-LEVEL-UP NA IYAN!

May dokumentaryo tungkol sa iba’t-ibang relihyon sa loob ng Jerusalem. Nagsalita ang mga Muslim tungkol sa pagpapahalaga nila sa kanilang relihyon. Nagpaliwanag ang mga Hudyo kung gaano ka-importante ang siyudad na iyon sa kanila. At isang Kristiyano, na Katolikong nurse ang nagsiwalat ng damdamin tungkol sa mga hamon ni Hesus. Hindi niya daw maintindihan kung bakit hinamon tayo ng Panginoon na kapag sinampal sa isang pisngi, ibigay pa ang kabila (Mt. 5: 58-48). Baka daw magmistulang electric fan naman ang ating mga ulo sa pagbaling sa kaliwa at sa kanan.

Sa mabuting balita ngayon, tila nga mukhang impraktikal ang Panginoon a. Sa halip na lumaban, huwag daw gumanti. Kesa magtago para sa sarili, ibigay sa kapwa ang kailangan nila. Mariin din ang kanyang payo na magmahal maging sa mga taong nananakit o nangmamata sa iyo.

Pero ang lahat ng ito ay may isang layunin, at iyan ay ang pagiging ganap. Para sa Panginoon, ang mga tagasunod niya ay hindi ordinaryo, hindi pangkaraniwang mga tao. Sila ay nabago na. Sila ay liwanag sa dilim. Sila ay larawan ng mukha, ugali at pananaw ng kanilang sinusundan. Dapat lang na maging ganap sila, dahil ganito ang kanilang Ama. Kung ano ang ama, ganun din ang mga anak.

Sa maraming larangan ng buhay, payo sa atin ay huwag maging pangkaraniwan lamang. Lubos-lubusin na. I-todo na. Abutin kahit mataas o malayo. I-level up na iyan. Magbuwis buhay na kung kinakailangan. Iisa lang ang kahulugan. Ibigay ang todo para maging pinakamagaling at makuha ang gantimpala ng buhay maging sa negosyo, edukasyon, relasyon, at pangarap.

Bilang mga Kristiyano, pwede namang maging tahimik na tagasunod lamang tayo ng Panginoon. Pwedeng Katoliko o Kristiyano lang sa pangalan. Pwedeng Kristiyano lang sa kultura or tradisyong sinusundan.  Pero hindi natin mararating ang layunin ng ating buhay – maging mga buhay na larawan ng ating Ama sa langit. Ipagdasal nating magkaroon ng biyaya na asamin na isabuhay ang pananampalataya nang lubos at yakapin ang mga hamon ng pag-ibig at pagpapatawad, at paglilingkod na dala sa atin ng Diyos.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more