IKALIMANG LINGGO SA PAGKABUHAY A

-


WALANG IKATATAKOT

 “Huwag kayong mabagabag.” Sa mga salitang ito, hindi nais ng Panginoon na maging impraktikal. Siyempre alam niyang maraming gusot sa paligid natin, sa mga bansa, relihyon, lahi, maging sa pamilya; kayraming gulo sa palibot. Pero ang binabantayan ni Hesus ay isang bagay lamang – ang puso.

May isang lugar kung saan kaya nating bawiin ang ating kapayapaan, gaano man kagulo, nakalilito o nakaliligalig ang kapaligiran. May isang lugar kung saan kaya nating ipahayag ang ating tagumpay laban sa mga problema at sigalot ng buhay. Iyan ang puso!

Bakit nagugulo ang puso? Naliligalig tayo kapag hindi tayo sigurado sa susunod na kabanata. Maraming pagkabagabag ang dala ng takot na hindi pa nangyayari – mga banta na sa isip lamang nagmumula. Kapag hindi natin alam ang bukas, hindi ba at nalalaglag tayo sa ating upuan? Kaya nga pangako ng Panginoong Hesus: sa tahanan ng aking Ama ay maraming silid! May lugar para sa atin doon. May nakahandang mabuti ang Diyos para sa ating bukas!

Higit pa diyan, sabi ni Hesus: Ako ang daan, ang katotohanan at ang buhay. Ang naniniwala ay hindi magiging abala sa mga bagay na hindi niya alam, dahil ang Diyos ang batayan ng lahat ng pangakong mabuti at kaaya-aya.

Nababagabag din ang puso kapag pakiramdam nito ay hindi sapat o kulang. Ito ang takot na umuusbong sa “hindi ko yata kaya e.” Hindi ko kayang gawin. Hindi ko kayang magtagumpay. Hindi ko kayang mabuhay, atbp. Kaya nga sabi ng Panginoon, masdan ang kanyang mga gawa, ang mga nakaya niyang gawin. Ang kanyang mga salita at kilos ay binasbasan ng Diyos at magiging pagpapala din sa mga nagtitiwala sa kanya. Ang isang Kristiyano ay laging “kaya” ang naumang naisin nitong abutin: “sinumang naniniwala ay magagawa ang aking mga gawa, at gagawa ng higit pa dito…”

Ngayong Pagkabuhay, sanayin natin ang ating puso na magtiwala, sa halip na matakot. Turuan natin ang puso na maging matapang, sa halip na magduda sa anumang magagawa ng Diyos sa ating buhay at sa pamamagitan natin, sa buhay ng iba.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more