IKA-27 LINGGO NG KARANIWANG PANAHON A

-
-->
HAHANAP NG LANDAS ANG PAG-IBIG



Ang Mabuting Balita ngayon ay makulimlim. Kuwento ito pagtataksil, larawan ito ng karahasan, pagpapahayag ito ng pagkamuhi, at binalak ito ng kasakiman. Ang mabuting may-ari ng ubasan ay bigla na lamang namulat sa kasamaan ng kanyang mga manggagawa. Ayaw nilang ibahagi ang ani sa kanya; tumanggi silang makinig sa mga mensahero; kinasuklaman nila ang Anak at hindi nila iginalang ang kagandahang-loob ng Panginoon.



Sinong may-ari ng lupain ang hindi magtatanggol ng sarili? Sinong ama ang hindi magnanasang gumanti? Sinong tao ang hindi susumpang huwag nang magtiwala sa kapwa?



Ang mga pinuno ng Israel na sinasagisag ng mga manggagawa, ay kumilos nang tahasang pagsalungat sa kalooban ng Diyos, ang may-ari ng ubasan. Upang sirain ang plano ng Diyos, kinailangan pa nilang iligpit ang Anak, bilang malakas na mensaheng nagpapasakit ng kalooban ng Ama.



Subalit lubhang malawak ng pananaw ng Diyos, dakila ang kanyang Espiritu, isang dagat ng habag, kaya’t hindi pinagsisihan ng Diyos ang kanyang naunang plano ng pagliligtas. Hindi siya nagsarado ng pinto at tumigil mangalaga sa mga tao. Oo, tinanggihan siya, pero lalo niyang sinikap makahanap ng mga taong tatanggap ng kanyang tawag.



Nasaktan nga ang Ama, nagalit at nasiphayo. Subalit hindi siya natalo o nagpatalo. Humanap ng bagong landas ang pag-ibig niya na lampas sa mga taong tumanggi sa kanya. Si Hesus na tinanggihan ng mga Hudyo ay tatanggapin ng mga Hentil. Ang kamatayan ni Hesus sa kamay ng mga kaaway niya ay magbubunga naman sa kamay ng mga alagad niya.



Sa ating kahinaan, hindi tayo laging matapat sa lahat ng pagkakataon at sa lahat ng situwasyon. Tulad ng mga lider Hudyo, tumatanggi tayo at ipinagkakanulo natin ang Panginoon sa pamamagitan ng kasalanan at pagmamatigas. Sa kabila nito, patuloy na magtatagumpay si Hesus sa puso ng mga nakakatuklas sa kanyang buhay at pagmamahal. Maging tayong mga makasalanan na nais magbalik-loob ay tatanggap pa rin ng kapayapaan at katiyakan na kailangan natin sa ating pagpasok sa bagong yugto ng pakikitungo sa Panginoon.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more