IKA-30 LINGGO NG KARANIWANG PANAHON A

-


PAANO MAGMAHAL

Nagninilay tayo ngayon sa tugon ng Panginoon sa isa pang “patibong” na tanong ng mga Pariseo, ngayon naman, tungkol sa pinakadakilang utos sa batas. Ang simpleng sagot ng Panginoon – pag-ibig; ganap at buong pag-aalay ng pag-ibig na ipakikita sa dalawang paraan: pag-ibig sa Diyos at sa kapwa (Mt. 22).

Paano ba dapat umibig? Paano ba dapat ipakita ang pagmamahal? Nililinaw ng Panginoong Hesus ang bagay na ito sa pagbanggit niya ng utos na mahalin ang Diyos.

Pagnilayan natin ang paraan ng pag-ibig sa Panginoon, at sa pamamagitan niya, sa ating kapwa tao:

“nang buo mong puso”: Ang puso ang sagisag ng pag-ibig. Ang puso ang sentro ng tao, kung saan umaagos ang paglingap at kabutihang-loob. Sa Bibliya, ang puso ay hindi lamang ang pinakasentro kundi and kabuuan ng pagkatao mismo. Kaya nga, ang magmahal ay nangangahulugang maging tunay na kalahok, mula sa sentro papalabas. Dahil iisa lamang ang puso, dapat isa lamang ang tuon, direksyon at pakay ng pagmamahal. Bilang mga Kristiyano, atas sa atin na maging tapat sa Diyos. At sa ganitong katapatan din, dapat nating mahalin ang kapwa.

“nang buo mong kaluluwa”: Sa panahon ng Panginoon, at maging ngayon, ang kaluluwa ay kilala bilang siyang tagapagbigay buhay sa katawan. Kung wala ang kaluluwa, ang katawan ay patay. Kung wala ang kaluluwa, ang katawan ay lanta, hindi makakilos at kulang sa puwersa at lakas. Pero kung ang kaluluwa ang bumubuhay sa katawan, nariyan din ang kilos, galak at pagpapahayag ng sarili. Ang magmahal nang buong kaluluwa ay nangangahulugang magmahal nang buong-buo. Walang katamaran, walang pagtatago. Para bang karanasan ng pagiging in-love, at pananatiling in-love...

“nang buo mong isip”: Ang minamahal natin ang laging laman ng isip natin. Hindi ibig sabihin na dapat lagi nating iisipin ang Diyos. Sa halip, dapat lagi nating hanaping at sikaping makilala siyang lubos. Hindi natin maaaring mahalin nag hindi natin nakikilala. Pero kapag kilala at mahal natin ang isang tao, nais nating maging mas matalastas, mas kaulayaw at mas kapiling ng ating minamahal. Kaya nga, may paglago sa pag-ibig, at ang ating isip ay nakatutulong para sa bagay na ito.



Sa pag-ibig, ang puso, kaluluwa at isip ay nagsasama-sama at kumikilos bilang isa. Nagmamahal ba tayo nang buong puso (matapat), nang buong kaluluwa (aktibo at maligaya), at nang buong isip (naghahanap at lumalago)?

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more