IKA-29 LINGGO NG KARANIWANG PANAHON A

-
ISANG PATIBONG LAMANG

Sa kasaysayan nakikita nating ang mga Kristiyano ay nalilito sa ugnayan ng pananampalataya at ng karaniwang buhay, ng pananalig at pangangatwiran, ng katapatan sa pamahalaan at katapatan sa simbahan. Sa mabuting balita ngayon (Mt 22) dinadalaw natin ang napapanahong paksang ito. Sabi ng Panginoong Hesus sa mga alagad ng mga Pariseo: Ibigay kay Cesar ang kay Cesar, at sa Diyos ang para sa Diyos!
Ang Cesar o emperador ang kumakatawan sa makalupang kapangyarihan na sumakop sa Israel. Malinaw na sinasabi ng Panginoon na dapat mag-ambag ang mga tao sa ikabubuti ng lipunan. Kung kailangang magbayad ng buwis, na gagamitin sa kapakanan ng lahat, dapat itong sundin. Ang mga tagasunod ni Kristo ay makikilala bilang mga tagapagtaguyod ng anumang mabuti sa pakikipag-ugnayan ng mga tao sa pamayanan at lipunan. Mula pa sa panahon ng mga apostol, ang pananampalataya ang nagsasabi sa atin na maging asin at ilaw ng daigdig, nabubuhay sa mundong ito bilang lasa at halimuyak na kaaya-aya.
Pero hindi doon nagtatapos ang payo ng Panginoon, sa pakikiisa sa layunin ng mga nasa kapangyarihan. Sinasabi din niya na dapat ibigay sa Diyos ang nararapat sa Diyos. At ano nga ba ang saklaw ng Diyos na dapat nating isuko sa kanya? Ang sagot ay – lahat! Lahat-lahat ng nasa atin ay kaloob ng Diyos kaya dapat nating ipagpasalamat at ialay pabalik sa kanya. Kung ang Cesar ang lehitimong kapangyarihan na dapat igalang at sundin para sa kapakanan ng lipunan, ang Diyos naman ang pinakamataas na kapangyarihan na dapat luhuran ng lahat, sa langit man o sa lupa (Fil 2:10), maging ng Cesar o emperador man.
Naririnig natin ngayon ang mga pulitiko, tagapagbalita, at pati ang taga-kalat ng “maling” balita na tumatalakay sa pagkakaiba at pagkakahiwalay ng simbahan at gobyerno. Sinasabi ng ilan na hindi dapat makialam sa desisyon ng pamahalaan ang mga mananampalataya; na walang puwang sa pang-relihyon at pang-moral na aspekto sa larangan ng pulitika at pamamahalang panlipunan. Pero ito ay “fake” na paliwanag. Hindi magkatunggali ang langit at lupa. Tandaan nating nang itanong ito sa Panginoon, hindi ito tunay na paghahanap ng katotohanan. Sa halip, ito ay patibong ng mga Pariseo na nais magsalita ng maling katuwiran ang Panginoong Hesus. At dito sila nabigo!
Kaya nga, ibigay kay Cesar ang para kay Cesar. At ibigay sa Diyos, ang lahat-lahat!

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more