IKA-6 NA LINGGO SA KARANIWANG PANAHON B

-
-->
MGA PATAPON





Ano ang pagkakatulad natin sa mga tao sa panahon ng Bibliya? Siguro, isa na dito ang pagpapahalaga sa kalinisan at makinis na kutis! Sa unang pagbasa (Lev 13) makikita ang pamantayang dapat sundin sa lipunan ng mga tinaguriang ketongin. Kung tutuusin, hindi natin alam kung ang sinasabing ketong sa Bibliya ay katumbas ng sakit na kilala natin sa modernong panahon.



Ayon sa mga eksperto, maselan sa kutis ang mga Hudyo kaya malaking bagay sa kanila ang sakit sa balat. Kaya bagamat ang tawag sa Bibliya ay “ketong,” maaarig ito ay iba’t-ibang uri ng allergy, sugat o butlig na pinagsama-sama sa iisang tawag. Buti pa ngayon at maraming doktor na kumikilatis ng taghiyawat at pigsa, ng butlig at bulutong!



Ang mga taong may ketong ay itinuturing na “hindi banal” at tinatrato bilang mga patapon, taga-labas at hindi kanais-nais kaya dapat nilang lisanin ang mga pamilya at kaibigan na tumatanggi na kanila. Hindi sila kinamumuhian tulad ng mga kaaway. Mas malala pa doon, hindi sila minamahal tulad ng isang tunay na tao. Nakakalungkot na naganap ito sa isang panahong lublob sa relihiyon at pananampalataya.



Bakit kaya dala-dala pa rin natin sa simbahan ang lumang kaisipang ito ng bibliya? Dahil ang hanap natin ay kabanalan at kaganapan, maging ngayon, itinataboy natin ang mga taong hindi nakakapantay sa ating inaasahan, mga taong dumudungis sa ating pangalan, at mga taong nagdadala ng kahihiyan sa ating grupo o pamayanan.



Hindi ba kayraming mga ketongin sa ating mga simbahan ngayon?: mga taong hindi maayos ang buhay-kasal, mga nagsasama na walang sakramento, mga hindi katatanggap-tanggap ang sekswalidad, mga hindi makaabot sa standard natin, mga namumuhay sa gilid-gilid dahil mahirap, mangmang o may kapansanan. Isang dahilan ito kung bakit marami ang umaalis sa simbahan o tumatalikod sa Diyos.



Para sa Panginoong Hesus, ang banal ay hindi naghihiwalay kundi nag-uugnay, lalo na sa mga itinuturing na mga madudumi at mga makasalanan. Ito ang dahilan kaya naparito si Hesus upang maging tao. Nais niyang sabihin sa atin na ang kaluwalhatian ng Diyos ay hindi matatagpuan sa langit sa itaas. Ang kabanalan ng Diyos ay isinasabuhay kaugnay ng mga tao sa mundo. Ang pagiging Kristiyano natin ang nagtutulak sa atin na salubungin at yakapin ang lahat ng mga anak ng Diyos sa pamilya ng Kaharian ng Ama.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more