IKATLONG LINGGO NG KUWARESMA B

-
-->
KAYA MO BA ANG SAMPU?





Ano ba’ng mapapala natin sa 10 Utos? Para sa marami, mga batas lang ito na dapat isaulo sa Catholic school, mga display o karatula sa labas ng simbahan, o di kaya isang magarang lumang pelikula noong 1950’s. Bihirang ipaliwanag ito sa sermon. Hindi rin naman natin ito pinag-aaralan sa sarili natin. Kung tutuusin, hindi ba ginawa na lamang ni Hesus na 2 ang 10 utos ng Diyos?



Ipinagkaloob ng Diyos ang mga utos niya sa kanyang bayan para sa isang mabuting pakay. Hindi ito mula sa kapritsyo lamang ng isang mapaglarong Diyos. Hindi rin sila mga instrumento ng paghihigpit at kontrol sa kilos at isip ng kanyang bayang Israel.



Dapat alalahanin na ang mga utos na ito ang taluktok ng karanasan ng mga tao ng kanilang paglaya at kaligtasan, ng kanilang pagkakilala at pakikipag-ugnayan sa Diyos. Ganito nais ng Diyos na kumilos ang mga tao upang mapangalagaan ang kanilang bagong buhay. Ganito rin naman nais ng mga tao na tumugon sa Panginoon na may pasasalamat at katapatan sa kanilang Tagapagligtas at Tagatubos.



Subalit mayroon ba talagang nakakayang isabuhay lahat ng utos na ito? Kahit sa ating buhay, inaamin nating bagamat hindi tayo nahuhulog sa seryosong kasalanan ng pagpatay o pakikiapid, nagagawa naman nating magsinungaling, at magnasa at makalimot na magsimba tuwing araw ng Linggo o pamamahinga. Sa pagpunta natin sa Kumpisa, hindi ba’t iniisa-isa natin ang mga utos upang malaman kung ano ang ating mga pagkukulang?



Nang ipinamana ng Diyos ang kanyang mga utos, palagay ko hindi naman niya inisip na hindi mababali ng kanyang mga anak ang alinman sa mga ito. Hindi hinihingi ng Panginoon na 100 porsyento ng mga detalye ng kanyang mga utos ang masusunod. Ang Diyos ay hindi pumipili ng pinakamalakas, pinakamatatag, at pinakaganap na tagasunod niya. Tayong lahat ang kanyang tinatawag, kahit alam niya ang ating kahinaan at pagkakamali. Sa kabila nito, patuloy niya tayong hinahamon na gawin ang lahat upang maganap ang kanyang kalooban dahil alam niyang kaya natin itong gampanan sa tulong ng kababaang-loob at pananampalataya.



Si Hesus ang kaganapan ng mga batas at utos ng Diyos. Sa kanyang buhay, binigyang halimbawa ng Panginoon ang sukdol na pagsasabuhay ng mga utos. Subalit ipinaliwanag din niyang sa pagganap nito, kailangang may gumagabay na diwa, na walang iba kundi ang pag-ibig. Hindi kataka-taka na nang gawin niyang simple ang paliwanag sa batas, sinabi ng Panginoon na ang puno’t dulo ay pag-ibig sa Diyos at sa kapwa tao.



Maaaring maramdaman nating tila napakahirap tupdin ang 10 utos. Marami sa atin ang nagsusumikap lamang sa gitna ng kahinaan at paulit-ulit na kasalanan. Ngayong Kuwaresma, binabalikan natin ang mga utos upang maalalang tayo ay para sa Diyos at mahal niya tayo. Sa paghahanda natin sa Kumpisal, hilingin natin lagi kay Hesus na punuin ang ating mga puso ng pag-ibig upang mapagtagumpayan nating isabuhay ang mga utos ng Diyos, dala ng pag-ibig at hindi ng takot o obligasyon lamang.










Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more