UNANG LINGGO NG KUWARESMA B

-
-->
SAKAY NA!





Halos lahat ng bansa ay nagbabantay para sa “matinding baha.” Dahil sa pagbabago ng pattern ng panahon, ang mga lugar na dating hindi inaabot ng tubig ay nalulubog ngayon. Kung saan ambon ambon lamang ang ulan, ngayon ay buhawi at unos na. Pati ang mga sanay na sa baha ay nagugulat sa mas matitinding pag-apaw ng mga ilog. Kayraming nasisirang ari-arian, kabuhayan, at buhay ng tao taun-taon dahil sa mga baha.



Ang Kuwaresma ay panahon ng katubusan. Sa unang pagbasa, naroon ang sagisag ng plano ng Diyos na kaligtasan sa arko ni Noa. Ang dating tila kuwentong pambata mula sa Bibliya ay isa palang makapangyarihang mensahe ng tawag ng Diyos, tugon ng tao, at pangako ng pagbabago at pagpapanariwa. Bagamat hindi kuwentong pang-siyensya, ang salaysay ni Noa ay paalala ng darating na mensahe at kilos ng Panginoong Hesukristo, ang tunay na Tagapagligtas.



Ang daigdig sa panahon ni Noa ay mabilis na nawawasak. Dahil sa kasamaan at kasalanan, hindi na maaninag ng Diyos ang kabutihang ipinagkaloob niya sa sangnilikha. Ang baha ay hindi parusa o galit ng Diyos kundi simbolo ng pagdadalisay at paglilinis. Ang magarang arko ay tanda ng kabutihan ng Diyos na naghahangad sa kabutihan ng lahat ng tao at nilikha para sa kinabukasan. Ang huling salita sa buhay natin ay hindi pagkawasak, kundi bagong buhay, bagong pangako, bagong tipan, bagong kaugnayan sa Diyos.



Nararamdaman natin ang matindi at pet-malu na bitag ng kasamaan at kasalanan sa mundo ngayon. Ang kawalang-malay ng tao ay laging nahaharap, at nahuhulog, sa gitna ng mga tukso. Nakikita nating ang ating buhay, gayundin ang sa kapwa, ay nawawasak dahil sa mga kasalanan at pagkakamali.  Subalit taun-taon, nagpapadala ang Panginoon ng arko ng kaligtasan, hindi ang alamat ng arko ni Noa, kundi ang nagliligtas na arko ng Kuwaresma.



Sa pagpasok natin sa arko ng Kuwaresma na may pananampalataya, alam nating hindi tayo aabutin ng baha, hindi tayo masisira ng kapangyarihan ng kasalanan. Sa loob ng arko ng Kuwaresma, matuto nawa tayong magdasal at magsakripisyo, lumaban sa mga tukso at magtiwala sa pangako ng Diyos tungo sa pagpapanibago at paglikhang muli ng ating buhay. Tulad ni Noa, sakay na sa arko at mag-anyaya pa tayo ng iba. Puno ng pag-ibig ng Diyos, gabayan nawa ng Panginoon ang ating paglalayag sa Kuwaresma ngayong taon.






Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more