IKA-14 NA LINGGO SA KARANIWANG PANAHON B

-


NANGHINA SI HESUS





Isang “terror” ang propesor namin dati. Ibig sabihin, mahigpit at masungit siya sa pagtuturo, sa pagtatalakayan, at sa pagsusulit ng mga estudyante. Ang bunga nito, nginig sa takot ang lahat. Nabubulunan, nauutal o napipipi  kapag sumasagot. Minsan, biglaang napangiti at napatawa pa and propesor. Dahil dito, nasilip ng mga estudyante and kanyang kubling pagkatao, at lahat ay nakitawa na. Naging mas panatag ang klase at naging mas masugid sap ag-aaral.



Ang mga ugali at kilos natin ay nakakaapekto sa mga tao sa mabuti man o masama. Pansin ng mga tao kung may isang sumasalungat sa kanila. Dama din nila kung mayroon namang buo ang suporta at pagsang-ayon. Hindi na kailangan itong sabihin o ipaliwanag; kadalasan, nadarama lamang. Ang pagsalungat at pagsang-ayon ay may kaugnayan sa pakiramdam, pagsasagawa at nagiging bunga ng ating mga kilos.



Batid ni Hesus na ang presensya niya ay magdudulot ng iba’t-ibang reaksyon. Narinig niyang pinuri siya ng mga tao. Nabasa niya ang panlilibak at pang-aaba na nakapaloob sa salita naman ng iba. Dahil sa pagsalungat ng mga tao, hindi nakagawa ng marami pang bagay ang Panginoon para sa kanila.



Hindi dahil walang kapangyarihan si Hesus na gumawa ng kababalaghan. Subalit ang kanyang lakas ay higit na gumagalang sa disposisyon, kalooban, at kalayaan ng tatanggap nito. Kung hindi pa handa, hindi ipipilit ng Panginoon ang kanyang sarili. Maghihintay siyang may pagtitimpi at pagtitiis hanggang mabuksan ang mga puso.



Bakit ba hindi pa natatamo ang ating mga panalangin? Bakit ba hindi pa nangyayari ang ating inaasahan? Mabuti sigurong manahimik at suriin ang sarili kung may bara ang mga puso natin na pumipigil sa daloy ng biyaya niya. Alam ninyo, mismong Diyos ay apektado ng ating pakikitungo sa kanya. Bagamat hindi nakabatay sa ating tugon ang kanyang kilos, ginagawa naman niyang maging maapektuhan siya ng ating pag-ibig man o panlalaban.



Mabuti rin sigurong magnilay kung paano natin itrato ang kapwa. Nagiging panatag ba sila at maaliwalas kapag nasa paligid tayo? O baka naman biglang naninigas at nagmamaskara sila kapag dumaraan tayo? Tulad ni Hesus, nag-aanyaya ba tayo ng pagtanggap, pagmamahal, pagpapatawad, at pagkakaunawaan sa ating kapaligiran?


-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more