IKA-29 NA LINGGO NG KARANIWANG PANAHON B

-


AMBISYOSO KA BA?





Magpakatotoo tayo. Mababakas natin sa kahilingang iniluhog ng magka-kuntsabang magkapatid na Juan at Santiago sa Mabuting Balita ngayon ang ating mga sarili. Nais nilang makiparte sa luwalhati ni Hesus kaya eto at nagkukusa silang mag-alay ng serbisyo. Pero sa kanilang isip ang luwalhating ito ay kapangyarihang makalupa at materyal. Mga simpleng mangingisda sila kaya ang maging “Punong Ministro” at “Presidente” ay lubhang kaakit-akit na tukso para sa dalawa.



Nagalit ang iba pang mga alagad nang marinig ang kapangahasan ng magkapatid. Bakit? Dahil naunahan sila ng dalawa. Habang nakikita ng mga alagad ang tagumpay at kasikatan ni Hesus, bawat isa ay naghahangad na mabahaginan ng impluwensya, popularidad at kadakilaan ng Panginoon. Kahit pala ang mga pinakamalapit na kasama ng Panginoon ay hindi ligtas sa patibong ng ambisyon.



Pero teka, masama ba’ng mag-ambisyon? Mali ba ang mangarap ng magandang buhay, matayog na kalagayan sa lipunan o marangyang posisyon sa kinaroroonan mo? Ito naman ang bilin ng ating mga magulang. Ito rin ang turo sa atin sa paaralan habang lumalaki tayo di ba?



Ang mag-ambisyon ay tama o mali depende sa intension ng tao. Kung makasarili ang ambisyon, nagnanais ang isang tao na luwalhatiin ang kanyang sarili lamang. Ito ang pakay ng magkapatid na Santiago at Juan at, ang lihim na kagustuhan ng iba pang mga alagad. Kaya nga, walang magawa ang Panginoon kundi biguin ang kanilang maitim na balak.



Mayroong nag-aambisyon pero hindi pakay ang sariling kapakanan, kundi ang bigyang papuri ang Diyos at paglingkuran ang kapwa. Ito ang halimbawang itinuro ni Hesus noon sa kanyang mga tagasunod at itinuturo pa rin niya ngayon sa iyo at sa akin. Nang sabihin niyang sinumang nais maging dakila ay dapat munang maging lingkod ng lahat, ipinaaalala niya sa atin ang kanyang mga turo at halimbawa. Narito ang isang dumating “upang maglingkod at hindi upang paglingkuran.”



Tama lang na magkaroon ng layon o ambisyon sa buhay. Bilang mga Kristiyano naman, dapat nating suriin kung ang mga minimithi natin ay para lamang sa sariling kapakinabangan o para sa isang tunay na misyon ng pagtulong sa kapwa at pagdakila sa Panginoon.



Alam naman nating kung ano ang dulo ng kuwento. Sa huli, sina Santiago at Juan at mga alagad ay namuhay na nagbibigay pag-asa sa iba at naging handang pang mamatay para sa pananampalataya kay Kristo. Kung mayroong pusong bukas at nananalig, kahit ang makasariling ambisyon ay maaaring maging dalisay na ambisyon para umibig at maglingkod.



Sige, mag-ambisyon na! Pero, para sa Diyos at sa kapwa tao!
-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more