IKALAWANG LINGGO NG PAGKABUHAY / PISTA NG DAKILANG HABAG K

-

 


MARAMING HINDI NAISULAT

JN 20: 19-31

 

fr tam nguyen's photo
 

Nang magkasakit ang isang kakilala ko, nasindak siya sa maaaring gastusin. Dahil walang masyadong pagkukunan, may dahilan siya upang mag-alala. Subalit ilang buwan matapos simulan ang gamutan, nagulat siya sa mga kamag-anak at kaibigan na patuloy tumutulong. Hindi siya pinabayaan ng Diyos; hindi lang sapat kundi higit pa sa pangangailangan niya ang dumating!

 

Dapat bang bigyan ng ikalawang pagkakataon ang mga alagad? Sa totoo lang, kitang kita ang kanilang kaduwagan. Nang ipako ang Panginoon, walang ni isang sumalungat; walang pumigil. Sa halip, nagpulasan lahat! Pero narito si Hesus sa gabi ng Pagkabuhay upang dalawin sila at bahaginan ng kapayapaan, patawan ng kapatawaran.

 

Hindi tatalikuran ni Hesus ang mga alagad dahil lang sila ay mahina. Hindi niya sila iiwan tulad ng ginawa nila sa kanya. Ang makapangyarihang pagmamahal ng Diyos ang bumuhay sa kanya mula sa libingan; pagmamahal na matindi pa kaysa kamatayan. Kaya daig nito anumang negatibong pwersa sa buhay at mundo natin. Ito ang dahilan at dumating si Hesus hindi para maghiganti kundi para sa kapayapaan, hindi para sa pagpaparusa kundi para sa kapatawaran.

 

Nang makita niyang natatakot, nalilito at nalulugmok ang mga alagad, hindi maatim ng Panginoon na lisanin at kalimutan ang kanilang pinagsamahan. Tatlong taon din kasi silang tinuruan kaya nais niyang dalhin sila sa pagbubunga at kaganapan. Ang mga mahihinang taong ito ay gagawing sisidlan ng habag, ng awa ng Diyos na ipinakita at ipinangaral niya sa kanila sa pamamagitan ng kanyang buhay.

 

Sa Muling Pagkabuhay, patuloy ang pamumuhunan ng Diyos sa daigdig. Maging kamatayan ay hindi hahadlang sa mabuting hangarin ng Panginoon. Ang kahinaan ng tao ay hindi makapipigil sa daloy ng pagmamahal at tiwala ng Diyos sa atin. Nais niyang makilakbay sa atin hindi dahil tayo ay malakas, matatag at matagumpay kundi dahil tayo ay bagsak, talunan, at mahina. Ang habag ng Diyos ang ating inspirasyon na muling mabuhay, muling lumaban, at muling magbahagi ng ating sarili sa mga nasa paligid natin.

 

Sinasabi sa mabuting balita ngayon na hindi lahat ay naisulat tungkol sa Kristong Muling Nabuhay. Bakit? Dahil ang presensya niya ay patuloy nararamdaman, patuloy na ipinapahayag, at patuloy siyang naghihimala… hindi sa mga alagad kundi sa atin mismo ngayon. Tayo ang mga sisidlan ng habag niya ngayon.

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more