IKA-ANIM NA LINGGO NG PAGKABUHAY, K

-
-->  KUNG KAILANGAN MO NG KAPAYAPAAN





Akala natin ang kailangan natin ay “mas marami.” Mas maraming pera. Mas maraming gamit. Mas maraming narating. Akala natin sasaya tayo pag meron tayong mas marami.



Tapos nagugulat tayo na kapag meron na tayo ng mga tunay na kailangan natin, yung mas marami ay hindi sanhi ng kaligayahan. Minsan pa nga ito ang nagdudulot ng problema sa buhay.



Sa mundo ngayon, ang kailangan talaga natin ay kapayapaan. Oo, sa Middle East, sa magugulong lugar, sa mga banta ng terorismo. Pero higit pa diyan, sa ating puso, kapayapaan ng isip, puso at damdamin.



Tanggapin natin ang totoo: mula paggising hanggang pagtulog, hindi ba laging may umuukilkil sa isip natin, bumabagabag sa puso natin na isang libo’t isang pangamba at alalahanin? Para sa marami, ang laging kapiling natin ay takot. Takot dahil sa nakaraan na laging nagpapaalala sa atin na tayo ay nagkamali at palpak. O takot para sa kinabukasan, na hindi natin kayang kontrolin o labanan.



Ngayong Pagkabuhay, ang mensahe ay ang hinihintay ng ating puso. Iniaalay ni Jesus ang kanyang kapayapaan. “Kapayapaan ang iniiwan ko sa inyo; ang aking kapayapaan ang ibinibigay ko sa inyo… Huwak kayong mabagabag o matakot” (Jn 14: 27). Lagi nating naririnig ito sa Misa pero walang oras para mapagnilayan. Alam ng Panginoong Hesus ang tambak na problema at paghihirap natin, ang mga masakit na sugat at daing natin, ang kalungkutan at luha natin, na araw-araw nating dala-dala.  At ang regalo niya ngayong Pagkabuhay ay kapayapaan!



Paano makakamit ang kapayapaan? Sabi ng Panginoon (v. 26) darating ang Espiritu Santo upang turuan tayo at paalalahanan tayo. Tuturuan niya tayo ng hindi natin alam. Ipapaalala niya sa atin ang ating nakalimutan na.  Ituturo niya at ipapaalala niya sa atin na “magtiwala” muli sa Diyos.



Darating ang kapayapaan kung matututuhan nating magtiwala. Hindi madali ito sa marami kasi naranasan na nating masira ang tiwala dahil sa gawa ng iba. Darating ang kapayapaan kung maaalala nating magtiwala muli. Hindi madali ito ngayong kumplikado na ang buhay, kumpara noong simple lang ang lahat; pero kailangan nating mabawi ang dating tiwala natin sa Diyos.



Magkaroon nawa tayo ng kapayapaan ngayon at palagian, na nagmumula hindi sa mga materyal na yaman o sa mga taong kinakapitan, kundi mula sa pagtitiwala kay Hesus na nagmamahal. Ipagkatiwala mo sa kapatawaran ng Diyos ang naganap na sa nakaraan. Ipagkatiwala mo sa kabutihan ng Diyos ang mangyayari sa kinabukasan. Pero ngayon, magtiwala ka sa Panginoon nang buong-buo mong buhay! Darating ang Espiritu Santo ng kapayapaan!


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more