IKA-APAT NA LINGGO NG PAGKABUHAY, K

-
-->
BIHIRA ANG MABUTING PASTOL






Minsan na lang tayo makakita ng kalabaw, at sa malalayong probinsya pa. Sa youtube, isang video ang nagpakita ng nakakalugod na relasyon ng magsasaka at ng kalabaw niya. Inaalagaan, pinakakain, itinitira sa magandang kulungan ang kalabaw ng magsasaka. Ang kalabaw naman, nagta-trabaho sa bukid, nagbibigay ng gatas, naghihila ng kariton ng pamilya. Sa unang tingin, tila miyembro ng pamilya, “provider” ng pamilya, matapat na kaibigan ng pamilya.



Iisipin mo tuloy pag matanda na ang kalabaw, aalisin na ito sa pag-aararo sa bukid para magpahinga na lang sa kuwadra niya. Pero hindi, noong matanda na ang kalabaw, dinala ito ng magsasaka sa katayan at ipinagbili sa mga magka-karne para pagkakitaan pa ang huling hibla ng buhay ng kanyang matapat na hayop.



Isang babala ang ibinibigay sa atin tungkol sa mga pastol sa Bibliya. Hindi lahat sila ay mababait at banayad na tao. Sanay sa trabaho ang mga iyan sa ilalim ng init ng araw kaya mga brusko, pilyo at minsan ay pala-away at madaya sila sa kapwa. Ang mga pastol, tulad ng magsasaka, tila hindi mawalay sa mga tupa, sa kawan.  Pero tandaan natin na hindi “alaga” ang turing nila sa mga tupa. Ang mga pastol ay negosyante na nagnanais pagkakitaan ang kanilang mga hayop.  Hindi sila nag-pastol para bigyan tayo ng magandang at cute na picture ng mga mapagmahal na tagapag-alaga ng tupa!



Kaya nga lutang talaga ang Mabuting Pastol. Hindi inaasahan, pero nabubuo sa kanyang puso ang isang malasakit sa mga tupa. Kung ang ibang pastol ay panay tubo o kita lamang ang hanap, ang Mabuting Pastol naman ay baligtad ang pananaw. Hindi niya hanap ang paglingkuran siya ng tupa. Siya ang nag-aalay ng buhay para sa kawan niya. Tila hindi praktikal, ang hirap isipin!



Sabi ng Mabuting Balita ngayon (Jn 10: 27-30), na ang Mabuting Pastol ay mapag-alaga sa kawan upang walang sinumang makakuha sa kanila sa kamay ng pastol. Ito ang pananaw na tanging ang Mabuting Pastol lamang, tanging si Hesus lamang, ang mayroon. At itong pananaw na ito ay salamin ng puso ng Ama na sabi ni Hesus, ay ayaw ding hayaan na mawala sa kanyang kamay ang mga tupa. Sa pagmamahal sa kawan, iisa ang Ama at ang kanyang Anak na si Hesus!



Puwede din ba tayong maging mga mabubuting pastol sa iba?  Sa ating pamilya, paaralan, opisina, pagawaan, parokya at kapitbahayan, kaya ba nating magmahal tulad ng Panginoong Hesus at ng kanyang Ama?  Ngayong panahon ng eleksyon, may mga kandidato kaya na tulad ng Mabuting Pastol?

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more