IKA-16 NA LINGGO NG KARANIWANG PANAHON A

-
-->
ANYARE?



Sa kasagsagan ng Marawi crisis, maraming haka-haka tungkol sa mga utak ng kaguluhan doon. Isang teacher ng isa sa mga magkapatid na terorista ang na-interview sa tv at takang-taka siya kung paano humantong sa ganito ang dating tahimik at mabait niyang estudyante. Habang akala ng marami ay likas na masama ang terorista, ang teacher ay nagtatanong: Anyare? (ano ba ang nangyari?)



Sa kasaysayan ng mundo, lagi tayong naghahanap ng paliwanag sa kasamaan. Natural bang masama ang tao o nahahawa lang siya nito? Ang Mabuting Balita ngayon (Mt 13) ay may paliwanag sa presensya ng kasamaan. May mga anghel ng Diyos na naghahasik ng mabuting butil na nagiging kapaki-pakinabang sa bandang huli. Ang demonyo naman ay naghahasik ng masamang butil na nagiging pahamak sa kalaunan.



Kung pagbabatayan ito, madaling sabihing may mga taong ipinanganak na mabuti at meron ding isinilang na masama o may mga taong nakatakda maging dakila habang may mga nakatakda lamang sa kabuktutan ng buhay. Pero ang Panginoon Hesus ay may sinasabing kakaiba tungkol sa masama at mabuti. Sa pagitan ng paghahasik at ng pag-aani ng butil, merong elemento ng kalayaan.



Ang mabuti ay lumalago kapag pinapapasok natin ito sa ating puso. Ang kasamaan ay nagwawagi kung ito naman ang ating binibigyang-laya. Hindi gumagawa ang Diyos ng mabubuting tao at masasamang tao. Sa halip, lahat ng tao ay malaya na magpasya kung ano ang nais niyang patubuin sa kanyang puso.



Maraming tao na libot ng mabuting sangkap sa buhay habang lumalaki pero pinili ang masamang pamumuhay kaya sa huli ay nalustay at napahamak. Meron namang halos lumaki sa gitna ng mala-impiyernong kapaligiran pero nagpasyang susundan ang kabutihan kaya lumaki bilang taong marangal at maayos ang buhay.



Lagi nating isiping sa buhay natin sabay ang paanyayang gumawa ng mabuti at gumawa ng masama. Mapupunta tayo saan man natin piliin. Hilingin natin sa Panginoon ang biyayang magabayan niya tayo upang lagi nating piliin ang mabuting butil na tumubo at lumago sa ating puso.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more