IKA-23 LINGGO NG KARANIWANG PANAHON A

-

ANG HENTIL SA ATING PALIGID

 

Sa Mabuting Balita ni Mateo, matatagpuan ang mahalagang aral para sa simbahan, sa ika-18 kabanata. Naging institusyon ang simbahan at nadama ng manunulat na may magaganap na mga problema sa mga panahong darating. Anumang institusyon ay may taglay na kapangyarihan at lakas. Nais ng ebanghelyo na ibaling ang pansin ng mga kinauukulan sa paggamit sa atas na ito ayon sa puso at isip ni Hesus.

Ang binabanggit na kapatid ay hindi iyong ordinaryong kapamilya o kamag-anak. Ang “kapatid na nagkasala” ay iyong maituturing na alibugha sa pamayanang Kristiyano. Ang alibugha ay hindi pang-karaniwang may-sala; siya ay kontrabida, sakit ng ulo, at tunay na malaking problema. Paano kung may taong ganito sa ating simbahan, na wala nang ginagawa kundi gumawa ng kaguluhan?

Sinasabi sa atin ng Panginoon na dapat nating personal na ituwid ang taong ganito, at magdala pa ng ibang kasama kung kinakailangan. Kung mabigo ang ating pagsisikap, dapat nang ituring ang alibugha bilang isang “Hentil” (dayuhan) o isang publikano (taga-kolekta ng buwis). Sa pagtratong mungkahi, tila ba ang sinasabi ay ituring na siya bilang walang pag-asa, ligaw na tupa, isang patapon. At hindi ba ito nga ang ginagawa ng mga Hudyo sa mga Hentil na inaari nilang taga-labas at sa mga publikano bilang mga ketonging dapat iwasan ng lipunan?

Tandaan naman natin na ang pamantayan na dapat sundin natin ay hindi ang sa mga Hudyo o sa lipunan, kundi ang pamantayan ni Hesus? Paano ba ang pagtrato ni Hesus sa mga Hentil? Sa anong paraan itinuring niya ang mga publikano?

Ipinakita ni Hesus ang kanyang habag sa mga hindi-Hudyo, inialok niya ang kanyang awa, tulong at pagpapagaling sa kanila. At mula naman sa mga publikano, pumili ang Panginoong Hesus ng mga tagasunod na ginawaran niya ng pagpapatawad, bagong buhay at sariwang misyong gagampanan. Kaya kung si Hesus ang tatanungin, ang manggugulo sa paligid ay mga taong hindi natin dapat lamang iwasan o itapon na gayun na lamang. Sa halip, sila ang ating hahanapin, mamahalin, dadalhin pabalik kahit na matigas ang kanilang puso. Hindi maaaring talikuran ang sinumang kapatid na nagkasala sa atin! At kaylanman, hindi iyan ginawa ni Hesus!

Ngayon hindi maunawaan ng marami kung bakit ipinagtatanggol ng simbahan ang mga lulong sa droga at mga pamilya nilang tinutugis, pinagbabantaan at pinapatay nang sukat; o ang mga nasa kulungang nais patawan ng parusang kamatayan ng mga mambabatas na uhaw sa dugo. Dahil kay Hesus kaya nagsasalita ang pamayanang Kristiyano para sa buhay, pagpapabago at pagpapanibago.

Bilang mga kasapi ng simbahan, isipin din natin ang mga taong ayaw nating isali sa ating grupo dahil sa tingin natin hindi sila perpekto. Maraming mga Katoliko, kung maka-asta tila perpekto at kapag ang iba ay hindi nila katulad, nililibak nila at hinahamak. Matutunan nawa nating yumakap sa kapwa tulad ni Hesus at hindi lamang magtulak palayo tulad ng mga perpektong Katoliko sa paligid natin.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more