IKA-25 LINGGO NG KARANIWANG PANAHON A

-
GALA
Kapansin-pansin ang katangian ng may-ari ng ubasan sa mabuting balita ngayon (Mt 20). Siya ay isang taong gala, yun bang hindi mapirmi sa bahay, laging gustong lumabas, laging gustong magliwaliw. Sabi nga natin, makati ang talampakan! Pero hindi paglilibang o negosyo o gawain ang dahilan ng kanyang pagagala nang maraming beses sa isang araw. Misyon ang dahilan kung bakit lumalabas siya upang maghanap ng mga taong nakatambay at naghahanap ng trabaho. Nais niya silang dalhin upang gumawa sa kanyang ubasan.
Marami nang naisulat tungkol sa pagiging mapagbigay ng Diyos sa mabuting balitang ito, at ito naman talaga ang isang makapangyarihang tema sa talinghaga. Subalit nais kong ituon ang pansin sa isa pang katangian ng Panginoon sa pagbasa – ang kanyang dedikasyon sa misyon na mag-alok ng kaligtasan, mag-anyaya sa pagbabagong-buhay at magbukas ng bagong pagkakataon para sa kanyang mga minamahal.
Hindi nag-uutos sa iba ang may-ari ng ubasan. Siya mismo ang naghahanap ng trabahador. Hindi nag-aatas sa ibang tao para kapanayamin ang mga manggagawa. Siya mismo ang personal na humaharap sa kanila. At kahit na ang katiwala ang nagpapasuweldo, ang panginoon mismo ang tumutugon sa mga pagpuna at reklamo ng mga trabahador niya.
Dito makikita natin ang pagsasalarawan kung paano nakikipag-daupang palad ang Diyos sa atin. Personal niya tayong minamahal. Lumalabas siya upang hanapin, kausapin, anyayahan at makasalamuha tayo. Malayo ito sa larawan ng isang Diyos na abot tanaw lamang. Ang Diyos ni Hesus ang mismong lumalapit sa atin sa pamamagitan ng Kanyang Anak na naghahanap saanman tayo naroroon at yumayakap sa atin ano man ang ating katayuan. Diyos na abot-kamay, na kadaup-palad.
Sa panalangin, Eukaristiya, Bibliya, at misyon, natutuklasan natin ang Diyos na buhay, aktibo, at tunay na mahabagin. Sa katotohanan, hindi tayo ang naghahanap sa Diyos tulad ng mga pagano noong unang panahon. Para sa mga Kristiyano, ang Diyos ang naghahanap sa atin sa bawat sandali dahil sa dakila niyang pag-ibig. Nawa'y makatugon tayo agad at nang may galak sa kagandahang loob at pagkukusa na ito ng ating Panginoon.
At matapos maranasan ang ugaling ito ng Diyos, maging handa naman sana tayong pakiharapan ang ating kapwa na may pagmamahal, pang-unawa at pagkahabag.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more