IKA-31 LINGGO NG KARANIWANG PANAHON K

-


MAKASALANAN OO, BUGOK HINDI!





Hindi ko alam kung ilan ang mga santo sa mundo natin ngayon?



Ang tunay na santo ay hindi alam na siya ay banal na; at kung may hinala man siya, itatago niya ito sa iba.



Pero sigurado akong maraming makasalanan sa paligid natin; at unang-una na… (tada!) iyong nasa puso ko!



Dalawa daw ang klase ng makasalanan sa mundo ngayon – ang bugok at ang simpleng makasalanan.



Ang bugok na makasalanan, alam niya ang kanyang kalagayan… at humihinto na siya doon. Walang planong magbago.



Wala ring pagnanasang maging iba pa ang landas ng buhay kasi feeling niya wala na siyang pag-asa.



Kahit sa Diyos, ang bugok na makasalanan ay naniniwalang walang kapangyarihan, kahit mula pa sa langit, ang makatutulong sa kanya.



Kaya mula sa makasalanan nagiging bugok na siya; mula sira nagiging agnas na; mula sa nangangamoy nagiging mabantot na talaga. Kaya nga bugok e! Parang itlog na bugok; puti ang labas pero bulok sa loob at mabaho pa!



Ang simpleng makasalanan din alam niyang masama siya, tulad ni Zacheo sa ebanghelyo ngayon (Lk. 19).



He siya makapagtago sa iba dahil alam nilang makasalanan nga siya.



Pero ang simpleng makasalanan ay may pusong bukas, kahit kaunti man, sa pagkakataong magbago pa.



Kaya nga naghintay si Zacheo sa ibabaw ng puno sa pagdaan ni Hesus. Kaya nga binuksan niya ang kanyang bahay nang dumalaw si Hesus sa kanila.



Kaya mabilis niyang iniwang ang kayamanan upang sundan ang Panginoon.



Ang simpleng makasalanan ay nalulugmok maraming beses bawat araw… pero tumatayo din nang ganun karaming beses araw-araw.



Makasalanan oo, pero sa puso niya may pananalig na sasaluhin siya ng Diyos.



May pag-asa pa siyang pagagalingin ng Panginoon ang kanyang mga sugat.



Nararamdaman niyang mahal siya ng Diyos at nais niya ring ibalik ang pagmamahal na ito – kahit unti-unti at dahan-dahan man lamang.



Ang simpleng makasalanan ang nagiging santo! Bakit?



Dahil nasa piling siya ng marami pang tulad niya. Nariyan nga si Zacheo, si San Pedro, San Agustin… at marami pang iba na nagsimula din mula sa ilalim.



Takot tayo minsan na ituring ang sarili na makasalanan.



Tumatanggi tayong tingnan ang ating kahinaan at wasak na kalagayan dahil akala natin ay itatakwil tayo ng Panginoon kapag masama tayo.



Hindi natin matanggap ang sarili natin.



Pero walang masamang maging isang simpleng makasalanan. Ang mapanganib ay maging isang bugok na makasalanan.



Alin sa dalawa ang gusto mo para sa sarili mo?






-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more