IKA-33 LINGGO NG KARANIWANG PANAHON K

-


PAGHARAP SA WAKAS





May giyera sa Syria. Ano naman paki natin dito?



May lindol sa Mindanao. Natakot ba tayo?



Bumagyo sa Tokyo. Natigatig ka ba?



Maraming pinapatay, pinalalayas, inaapi. Nag-aalala ka ba?



Binabanggit ng Panginoong Hesus ang mga bagay na magaganap sa mundo bago ang wakas.



Mga giyera, kalamidad, karahasan…



Hindi naman tayo apektado kasi parang ang layo nito sa ating buhay.



Pero tila minsan ang lapit din pala…



May giyera sa pamilya. 
May lindol sa relasyon sa mga katrabaho at kaibigan. 
May mga lubak sa landas patungo sa ating pangarap, sa kalusugan, sa ambisyon. 
May mga taong nagagalit sa atin, naninira sa atin, naghahamon sa atin, 
at dahil diyan, walang kapayapaan.



Maaaring hindi ito ang hudyat ng wakas ng mundo pero tila ito ang wakas ng “ating” mundo. Dinadala tayo sa sitwasyon na mahina, takot at nanganganib tayo.



Isang babae ang dating boss ng  malaking opisina. Ang dami niyang empleyado. Minahal niya sila lahat. Binigyan ng pag-asa.



Nang magretiro na siya, napansin niyang nauubos na ang pera niya. Nagka-kanser pa siya. At wala nang dumadalaw. Walang nag-iimbita. Wala ring nais tumulong. Nabuhay siyang takot na mamatay sa gitna ng sakit, paghihirap at pagkalimot ng mga taong minahal at tinulungan niya.



Sabi ng Panginoon “sa inyong pagtitiis, maliligtas nyo ang buhay nyo.” Ano ang kahulugan nito? Paano makakatulong ito sa pagharap natin sa mga personal na kaguluhan, pagkabagabag at pagsubok na dala ng ating buhay?



Paanyaya ito na manatiling naniniwala



… na hindi tayo pababayaan ng Diyos



… na may nakikinig sa ating panalangin



Paanyaya ito na patuloy na umasa



… na tapat ang Diyos kahit hindi tapat ang tao



… na makapangyarihan ang Diyos higit pa sa ating mga problema



Paanyaya ito na manatiling nagmamahal



… sa pamamagitan ng pagdarasal para sa kapwa



… sa pamamagitan ng pagpapatawad sa mga nakasakit sa atin



Bagamat wala tayong magagawa upang baguhin ang nasa palibot natin, tiyak may magagawa tayo na baguhin ang nasa loob natin.



Walang makakukuha sa atin ng pasyang patuloy na magmahal, umasa at manalig.



Ito ang kahulugan ng Panginoon sa salitang “pagtitiis.”



Maaaring wala tayong kapangyarihan ngayon. Subalit laging may nagaganap na mabuti sa taong may tiwala sa Panginoon. Sa panahong itinakda ng Diyos, mananaig ang kanyang habag para sa ating buhay.



Salamat Panginoon sa biyaya ng pagtitiis.



(ibahagi natin ito sa iba. Thanks po!)


-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more