MARIA, INA NG DIYOS/ BAGONG TAON A

-

 

PINAGPALA NGA!

LK 2: 16-21

 



 

 

Madalas kong wakasan ang text o sulat sa pamamagitan ng: Pagpalain ka nawa ng Diyos! Hindi ko orihinal na ideya ito kundi hinango ko kay St. Mother Teresa ng Calcutta. Sa kanyang pagsusulat, laging panghuli ang pagbating: “God bless you!” Nang tanungin siya tungkol dito, sinabi niya: Kailangan ng lahat ng pagbabasbas! At sino nga ba ang hindi nangangailangan ng pagpapala?

 

Bawat taon, napapansin natin ang unang pagbasa sa Aklat ng mga Bilang: Nagbibilin ang Diyos sa paring si Aaron na basbasan ang mga tao, punuin sila ng kanyang awa, padaluyin sa kanila ang pagmamahal, at ipangako na makikita nila balang araw ang kanyang mukha. Ito ang pinakamataas, pinakataluktok na pagpapala – ang makita ang mukha ng Diyos. Sa Lumang Tipan, walang nakakita ng mukha ng Diyos at walang nag-akalang makikita nila ito at hindi mamamatay!

 

Kaypalad ng mga pastol; unang nakapagmasid sa mukha ng Anak ng Diyos, kasunod lamang kay Maria at Jose. Namasdan nila ang mukha ng Diyos sa natutulog na paslit na si Hesus, at naniwala sila sa kanilang puso. Nabasbasan sila. Dati, sila ang mga pastol. Ngayon nakaharap nila ang Mabuting Pastol!

 

Inalala natin ilang linggo lamang ang hirap na pinagdaanan ni Maria at Jose. Kapwa dumanas ng takot, gulo, at sakit ng kalooban bago ang pagsilang ng Sanggol na Banal. Ngayon, ang takot ay nagbigay daan sa kapayapaan, ang gulo sa kapanatagan, at ang sakit ng kalooban sa paghilom at kagalakan. Wala nang tanong si Jose, at si Maria naman, nagsimulang magnilay ng mga bagay na ito sa kanyang puso.

 

Ang kilos ni Maria ang susi, ang sikreto, sa pagtanggap ng basbas ng Diyos. Itinago sa puso. Tinanggap nang may kababang-loob. Pinagnilayan ang kahulugan. Ninamnam ang ligaya. Inaruga at pinayabong. At sa huli, tulad ni Maria, ibinahagi sa kapwang nangangailangan ng pagpapala!

 

Tumatawid tayo sa isa na namang taon ng buhay. Tumatanggap ng basbas ng Diyos. Ang nakaraan ng pagkakamali, suliranin at gulo ay tapos na. Naghahandog ang Panginoon ng bagong pagkakataon, bagong buhay, bagong panimula. Salamat po, Lord, sa maraming biyaya! Tulad ni Maria, matuto tayong tumanggap, magnilay, magnamnam, magpayabong at magbahagi ng pagpapala sa iba. Tulad ni Mother Teresa, matutunan natin nawang sabihin lagi sa kapwa na may paggalang at katapatan: Pagpalain ka ng Panginoon! God bless you!

 

Manigong Bagong Taon ng Panginoon!

 

#ourparishpriest 2022

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more