KAPISTAHAN NG SANTO NIÑO, A

-

 


LUMALAKI DIN ANG BATA

MT. 18: 1-5

 


 

 

Ang bata ay maliit, musmos. Ang bata ay hindi pa ganap sa maraming larangan ng buhay niya. Mahina ang bata at maligalig. Walang karanasan sa buhay ang bata. Ang bata ay walang magagawa kung hindi tutulungan o sasaklolohan.

 

Bakit tayo pinapayuhan ng Panginoong Hesus na ihawig ang ating buhay sa isang bata? Hindi dahil ang bata ay bulilit, malambing at nakagigiliw, kundi sa katotohanang ang bata ay may natatagong kakayahan o potensyal. Maliit ngayon, pero magiging malaki balang araw. Hindi ganap, subalit magiging hinog at husto sa kinabukasan. Mahina, subalit magkakaroon ng lakas. Walang karanasan, subalit maaaring maging matalino at marunong. Walang magagawa ngayon subalit habang lumalaon, magiging malikhain, maparaan, at matatag.

 

Huwag nating gamitin ang mga kataga ng Panginoong Hesus upang manatiling bata, tularan ang mga limitasyon ng bata, o maging panatag na laging bata. Marami kasing mga tao ang mas nanaisin pang kumilos tulad ng bata o ng sanggol upang ituring at tratuhing bata o sanggol. Tila dito sa ugaling ito nagmula ang isang bagong salita natin – “pabebe.”

 

May mga taong ayaw tumanggap ng pananagutan. O ayaw harapin ang katotohanan. Laging nakatuon sa sarili lamang. Tumatangging lumago sa emosyon, pag-iisip, at espirituwalidad.

 

Maging tulad ng bata, sabi ng Panginoong Hesus, subalit sa malalim at makabulahang saysay nito. Ang bata ay mapagtiwala sa magulang, laging nakahawak o nakakapit. Subalit ang bata din ay handang matuto sa magulang, lalo na kung unti-unti nang kinakalas ng magulang ang kanyang kamay upang dahan-dahang matutong lumakad at magsarili. Ang mabuting magulang ay hindi hadlang kundi hudyat at tagapagtaguyod ng paglaki, pag-unlad at pagsasarili ng anak balang araw.

 

Nakakagulat minsan ang ilang bata na tila ba hinog o mature sa kamalayan. Maaaring dahil sa gabay ng mabuting magulang. O baka dahil dala ng pangangailangan o bunsod ng mga pangyayari. Tiyak, dahil din sa pagpapala ng Espiritu ng Diyos.

 

Maging tulad tayo ng bata… hindi “pabebe” ha, hindi pa-cute lamang, kundi tulad ng batang nagtitiwala sa ating Ama, at natututo sa kanya na lumago at tumayo sa sariling paa. Amen.

 


 

 #ourparishpriest 2023

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more