IKALIMANG LINGGO SA KARANIWANG PANAHON K

-
-->
MAGDASAL UPANG MAGPATAWAD





Napanood ko minsan ang video ni Immaculee Ilibagiza, isang babaeng nakaligtas sa patayan ng mga tribo sa Rwanda noong 1990’s. Nakapagtago siya sa toilet ng kapitbahay na pastor na Protestante. Napatay ang buong pamilya ni Immaculee. Pero sa video, nang makaharap niya ang pumatay sa kanyang pamilya, buong puso niyang pinatawad ito. Hindi makapagsalita, ni hindi makatingin sa kanya ang taong pumatay. Gulat na gulat ito sa kabutihan ni Immaculee.



Tila salamin ito ng mas nakagugulat na kuwento sa Mabuting Balita. Dinala ng mga tao ang isang makasalanang babae sa paanan ni Hesus upang husgahan at patayin. Hindi makapagsalita ang babae. Subalit nagulat ang lahat sa ginawa ni Hesus. Hindi siya nanghusga. Sa halip, pinauwi niya ang babae na taglay ang baong buhay at bagong lakas upang magbago at magkaroon ng mabuting kinabukasan.  Nasindak ang babae sa galit ng mga tao. Lalo siyang nagulat nang maranasan ang mapagpatawad at mahabaging Diyos sa katauhan ni Hesus.



Hindi madaling magpatawad. Paano nagawa ito ni Hesus? Paano nagawa ito ni Immaculee?



Sabi ni Immaculee, isang malaking pakikipagbuno ang proseso ng pagpapatawad. Noong una, puno siya ng galit at poot. Pero natuto siyang magdasal. Sa loob ng toilet na iyon sa loob ng 3 buwan, dinasal niya paulit ulit ang Rosaryo at ang Divine Mercy Chaplet. Unti-unti, naramdaman niya ang pag-ibig ng Diyos, maging para sa kanyang mga kaaway. Naramdaman niyang gusto niyang lumaya… at maging mapagpalaya sa kapwa. Sa loob ng toilet na iyon, nagpasya siyang magpatawad. Nagpasiya siyang tahakin ang landas ng pag-ibig at hindi ng galit.



Tiyak maraming nakasakit sa ating buhay. Natural, gusto natin ngayon lumaban at gumanti. Pero bilang mga Kristiyano, may kasangkapan tayo upang maghilom ang ating galit at gawin itong pagmamahal. Iyan ang panalangin. Si Hesus ay mapagpatawad dahil nakilala niya ang pagibig ng Ama sa malalim na panalangin. Si Immaculee ay nakapagpatawad dahil pinalambot ng Diyos ang kanyang puso sa tulong ng panalangin.



Isang malaking hamon ang magpatawad. Ngayong Kuwaresma, simulan nating magpatawad sa tulong ng pagdarasal nang tapat, seryoso, malalim – para sa ating sarili at sa ating kapwa. Palayain nawa ng Diyos ang ating puso, palambutin ito at palayain tayo… at palayain din ang ating mga kaaway…  Amen.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more