IKA-15 LINGGO NG KARANIWANG PANAHON A

-
-->
SALITANG MABUNGA



May kapangyarihan ang mga salita at madali tayong ma-apektuhan nito. Ang hindi pinag-iisipang salita ng isang lider pulitiko ay nagbibigay kahihiyan sa bayan, nagpapababa ng halaga ng pera, at nagdadala ng hidwaan sa bansa. Ang intrigerong salita ng mga bloggers at mga tao sa social media ay nagpapalago ng maling balita at nanloloko sa kapwa. Ang salita ng mga terorista ay sapat na upang mangatog sa takot ang mga tao. Pati ang mga salitang binibitiwan natin sa isa’t-isa ay nakapananakit sa mga nakapaligid sa atin. Ang salita ng mga mangangaral ay nagagamit din para kumita, magkondena at magbuhat ng sariling bangko.



Ibinibigay ng Panginoong Hesus sa atin ang talinghaga ng salita (Mt. 13). Naparito siya upang bigkasin ang salitang mula sa Ama, ang salitang nagbibigay ng buhay, ang salitang humihilom at nagbubuong muli. Makapangyarihan ang salita ng Diyos kaya ito ay namumunga. Tumutubo, lumalago, at namumunga ang salita ng Diyos; kumakalat ito at sumasaboy sa kapaligiran. Kung paanong ang salita ng Diyos ang pinagmulan ng buong sangnilikha, gayundin naman ang salita ding ito ang nakamamanghang nagpapakita ng kapangyarihan na patuloy gumawa ng kabutihan, kabanalan, at kaligtasan saanman ito mapadpad.



Tumutubo at lumalago nga ang salita ng Diyos pero, kung ito ay hindi natin hahadlangan sa kanyang landas. Kahit makapangyarihan ang salita ng Diyos, tayo naman ang may hawak ng susi upang ito ay yumabong o kaya naman ay matuyot at mamatay. Kung ang puso natin ay parang tigang na lupa, hindi mag-uugat ang salita ng Diyos. Kung ang ating isip ay kalat sa maraming mga pinagkakaabalahan at pinagtutuunan ng pansin at priyoridad, ang salitang ito ay hindi yayabong at mananariwa. Kung ang istilo ng ating pamumuhay ay salungat sa mensahe ng Diyos, itinutulak natin papalayo ang kanyang salita bago pa man ito makalapit sa atin.



Kasama natin ang salita ng Diyos sa mga karaniwang kasangkapan na ibinigay niya sa atin – Bibliya, sakramento, pangangaral, panalangin, pagninilay. Maaari din itong makarating sa atin sa mga mensahe at aral na galing naman sa mga tao, karanasan, at pangyayari sa ating buhay. Anumang paraan dumating ito, ang mahalagang tanong ay: ano ang pasya mo sa salita ng Diyos? tanggap mo ba ito o laban ka ba dito? Matapos mong makatagpo ang kalooban at mensahe ng Panginoon, hinahayaan mo ba itong makaapekto sa puso mo at anyayahan kang lumago sa buhay mo? Nawa ang Salita ng Diyos ay maging mabunga sa ating buhay ngayon at palagian.






Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more